劉心悠脊椎側彎影響生

劉心悠天生腳細又是扁平足，加上近年坐姿和睡姿不正確，導致脊椎側彎左傾，去年更發現盆骨移位，出現長短腳的情況，假若不及早正視，病情惡化可以直接影響生育。有報導指心悠發覺問題越來越嚴重，終於下定決心去矯正脊骨、盆骨和長短腳問題，她除了減少穿高跟鞋、避免跌倒和加重脊腰負荷，還勤練瑜伽和芭蕾舞，加強訓練大腿和腰間肌肉。

劉心悠明年參加完馬拉松打算拍拖。資料圖片
打算生兩個

昨日劉心悠出席灣仔會展「AIA踏出健康新突破」活動，提到脊椎側彎影響生育，她說：「我𠵱家著高跟鞋行路唔使扶牆已經好好，初初聽到影響生育都好擔心，大家唔好以為盆骨有事，唔理佢，係會好大件事，所以我𠵱家好勤力練習。」

心悠透露康復進度良好，不過她未有詳細問醫生目前情況會不會影響生育，她說：「冇問清楚，不過我狀態係進步咗。」記者勸心悠快些找一個男友生BB，她說：「跑完馬拉松，跑埋出年10年，就拍得拖，我都想生，希望我同BB有緣，我鍾意兩個。」

採訪：盧妹
攝影：陳俊強
from:http://hk.apple.nextmedia ... 150830/19275104

心悠與師兄昨日以印度婚嫁服飾出席活動，師兄稱未感染到結婚氣氛。

劉心悠及劉浩龍（師兄）昨日在婚紗展宣傳電影《燈塔下的戀人》，兩人以戲中的印度婚嫁服現身。心悠的雙手畫了印度彩繪及戴上印度飾物，她笑指印度妝很誇張：「眼睫毛好似把扇咁，雙眼仲畫大咗3倍。」師兄更踢爆心悠在戲中露臍僅得3厘米，心悠即撒嬌說：「拍戲嗰陣唔方便着咁多，所以可以畀我裸露吓，今日都係two piece嚟㗎。」

問他日結婚可會考慮穿印度服飾？師兄說：「冇諗過，結婚先諗啦！」可會被婚紗展氣氛感染？他說：「都未感染到，淨係感染到咖喱味。」至於心悠則表示有想過結婚，但不知道是何時。

採訪：盧妹
攝影：陳俊強
from:http://hk.apple.nextmedia ... 150831/19276074

劉心悠、謝婷婷、吳家麗及郭偉亮（Eric Kwok）等，前晚在奧海城出席電影《有客到》謝票活動，心悠被問到會否搵異性陪睇鬼片？她說：「如果另一半驚睇鬼片都OK，唔使咁勇敢。」男友怕曱甴可會接受？心悠笑說：「千祈唔好叫，一叫就唔OK，可以驚，但冷靜啲，失控尖叫唔得。」Eric戲中有露股鏡頭，蘇永康睇完讚他有靚股，但Eric自爆：「其實係替身，不過唔話佢聽。」

採訪：馬建華
攝影：陳慧安
from:http://hk.apple.nextmedia ... 150901/19277142

師兄自言最怕拍愛情片，不過幸好在新戲《燈塔下的戀人》中遇上心悠，令他非常有信心。攝影：陳慧安
劉浩龍（師兄）是有福的。不僅現實生活中愛情甜蜜，首次拍愛情片的談情對象是首席女神劉心悠，女神還對着劉浩龍說「吔咩嗲」。男士們，葡萄了嗎？放心，電影《燈塔下的戀人》是浪漫愛情片，兩人止於談情，「吔咩嗲」只是NG情節，劉浩龍笑指片中連心悠的手都冇拖過，最親密只是為女神抹嘴仔。

撰文：盧妹

翻看劉浩龍參與過的電影，大部份都是警匪片，間中參與愛情片都是「戥穿石」角色。終於，在梁德森執導的電影《燈塔下的戀人》中，劉浩龍得到一條感情線，他說：「我好怕拍愛情戲，怕尷尬，不過心悠畀我好大信心。」那麼與女友容祖兒情侶檔演出？他即落閘謂：「唔係咁啱，已經拍拖，公還公，私還私。」但劉浩龍坦言不介意女友演親熱戲：「仲小朋友咩？入咗行，我哋都唔係屬於自己，係屬於大家。我唔會有底線，因為我鍾意做演員。」

心悠在印度遇上師兄，但她苦練印度對白良久卻說錯日文。

原本兩人相遇的一場戲要講印度話，心悠卻爆出一句「吔咩嗲」笑爆嘴。

師兄公私分明，未必會同女友容祖兒情侶檔演出。資料圖片
收email代情信

提到女朋友容祖兒，劉浩龍會變得緊張，反而貴為首席女神的劉心悠，談情卻輕鬆自在。他們在戲中的兒子及姪女是兩小無猜的愛情，被飾演學校主任的心悠發現他們的情信，讓人聯想他們現實中可喜歡收或寫情信？劉浩龍說：「都有嘅，不過太私人啦。」心悠大方分享喜歡收「情mail」：「𠵱家好少人寫字，雖然情信好珍貴，但係情mail可以成日翻睇，情信會唔見咗，可能我唔係好浪漫嘅人啦，好獨立。」劉浩龍即表示女生不用太強，但笑指：「佢（祖兒）好strong。不過我唔係小朋友，唔使成日嗲。」

戲中，劉浩龍因為已故前妻愛上印度文化，又因此才與心悠遇上，他坦言劇情很沉重，要喊又要欲哭無淚。現實生活中，可有為感情事流淚？他說：「我係喊包，我個人好直接開心就笑得最大聲，唔開心就喊得好勁，不過過去嘅感情，我只會記住開心嘢。」心悠直言沒為感情喊過：「唔開心可以講，唔會激烈，即使分手我都唔會喊。喺溫哥華嗰陣掛住打工，男朋友話有女友等於冇女友而同我分手，呢個理由我接受，所以我冇喊，反而屋企人仲會觸動到我。」

雖然劇情沉重，但背後的NG情節卻笑死人，劉浩龍與心悠在電影首次相遇時要講印度對白，他說：「我哋嗰日已經不停練，點知拍到第三take，佢突然講日文。」心悠早已哈哈大笑謂：「我唔知點解自己會講咗『吔咩嗲』，真係唔覺意講咗。」

場地：IL CAFE
化妝：Kei Kei Ng（劉浩龍）、ANNIE G Make Up Centre（劉心悠）
髮型：Jan Yeung of Private I（劉浩龍）、Eric Chow of Xenter（劉心悠）
服裝：10th Shop（劉浩龍）、DKNY（劉心悠）
from:http://hk.apple.nextmedia ... 150904/19281384