將會第10年參加馬拉松的劉心悠，希望完成10年前許下要跑的100公里承諾。攝影：陳志嵐
馬拉松考驗的不是人的運動才能，而是人的意志有多堅毅。今年是渣打馬拉松20周年，有些是首次參賽的跑手，有些是為挑戰自己再度上場的健兒，劉心悠則是以10年時間去將堅毅拉長，明日舉行的渣打馬拉松賽事，第10次踏上10公里賽的征途，完成10年前許下的100公里承諾，成績不是最重要，完成賽事，已是生命中的一面重要勳章。
撰文：王梓嫚
跑了10年，劉心悠悟出的做人哲理是，人生和跑步一樣，縱使兩旁風光明媚，但一個只懂頻頻回頭望的人，終歸不能朝着目標走到終點。每年為備戰馬拉松，劉心悠習慣清晨4時，起牀梳洗束起馬尾，天未光就到公園練跑。她知道，人生便是一場持久戰：「10年前係同事叫我參加，而我當時根本唔知道乜嘢叫做馬拉松，呢件事喺我嘅人生，係一個好漫長同埋要堅持嘅一件事，當時冇諗過去到第10年。對我嚟講，唔需要每年去考量話今年參唔參加，想唔想去，或者太攰唔想跑，冇呢啲嘢，因為我覺得有啲事情想多咗，反而會出錯或者唔會堅持。」
心悠在跑步前一定會拉筋做熱身。
「試過無數次抽筋」
由最初抱柴娃娃心態到今日成為10公里賽的常客，10年來，劉心悠感受良多，她說：「我跑步嘅時候試過無數咁多次抽筋，或者係腹腔嘅位置痛得好緊要，最後跑唔到要行去終點，亦都試過跑跑吓有人喺我面前影相，我唔小心撞到佢哋。其實喺跑道上面，會見到各式各樣嘅人生百態，有啲人根本唔係去跑步，而係去睇風景，不過只要開心，我覺得冇所謂！」劉心悠從不愛爭，只懂努力耕耘，等的只是一個機會。可是，作為藝人，如此性格在圈中生存，難免蝕底：「其實爭上頭版，唔一定要露事業線，我跑馬拉松，亦都可以上到一個時事版嘅頭條。有人問我，完成咗今次嘅比賽，我仲會唔會有另一個10年嘅堅持，我只會話馬拉松係一個賽事，但跑步係我嘅終身興趣，只要我能跑我就會跑。」
心悠為紀念完成100km，將會自製手工皂義賣行善。
義賣手工皂行善
今年，劉心悠除了繼續跑10公里，背後還有另一個使命，她說：「對我嚟講，我想慶祝可以完成100km，慶祝嘅方法係去做善事。早排我專登去台灣學做手工皂紀念完成100km賽事，之後會用嚟做慈善義賣，幫助患有黏多糖症嘅病患者。雖然我知未必會籌到好多錢，但最起碼可以喚醒其他人對呢班弱勢人嘅關心！」34歲的劉心悠，說時笑靨如14歲。
【心悠戰績逐年睇】
註：★為劉心悠個人最佳成績
from:
http://hk.apple.nextmedia ... 160116/19453947
