陳瀅(Jeannie)以Model身份入行，已經做咗五年，平時除咗做model工作，一係就拍電影電視，人氣急升，成為宅男女神，Jeannie一直以嚟畀觀眾嘅印象都係清純同開朗，最近為咗突破自己，今年推出首本相集圖像文學《半透明的舞孃》，希望大家對自己有深入了解。
陳瀅今次相集去咗泰國曼谷拍攝，拍攝團隊準備咗十幾個造型，講陳瀅演一個芭蕾舞蹈員，不過，原來佢本身冇舞蹈底子，苦練咗兩個月，跳爆咗幾隻腳甲，真係夠晒陰公豬!
陳瀅一向都有啲baby fat，今次被勒令減肥，加上拍劇時間日夜顛倒，令陳瀅感到前所未有嘅壓力，因而令到經期唔準，仲引致水腫，搞到陳瀅好擔心會影響拍攝，好在整個團隊都好投入，到咗第三日拍攝，原本取材由湖裡面嘅背景改為與仙人掌及一呎高山貓一齊拍攝，之但係攝影師同藝術總監感到之前嘅服裝唔太合適，於是提出全裸拍攝。
Jeannie表示:「我都諗左幾分鐘，但由於對大家嘅信任喺拍攝嘅過程已經建立起來，在清場嘅情況下我哋就開始咗，雖然係全女班，但起初都有少少尷尬，但係我知道如果我尷尬嘅話，大家會更加尷尬，所以就鼓起勇氣去完成拍攝。」
from:
http://hk.apple.nextmedia ... 150812/19252638
