入行6年一直演「大茄」角色的羅鈞滿，自從爆出被新聞之花張文采狠撇後，接二連三爆出連串負面新聞，日前更有指在今年2月，他瞞著女友飛到韓國會索空姐Sylvia，不過其間醉酒鬧事，得罪江湖大佬後，被指偷影女人裙底而鬧上法庭，最後因為籌不足款項，被扣留禁止出境兩個月，前日本報更接獲讀者報料，聲稱今年3月時拍到羅鈞滿與貌似Sylvia的女子遊首爾。
羅鈞滿空姐新歡Sylvia昨日宣佈刪除Ig賬戶。
資料圖片
羅鈞滿於韓國被扣留期間，入住民宿，該民宿更借他的名字宣傳。
Sylvia臨別Ig不忘貼文解釋，她更激動爆粗。
「我好想喊」
一直被視為分手導火線的索空姐Sylvia，被網民人肉搜尋後，未知是否壓力過大，昨日突然在Instagram宣佈刪賬戶，她堅稱自己並非做錯虧心事，只是自認怕，她說：「以前當有朋友話喺邊個網見到我或者我啲朋友嘅相，無論好定唔好嘅評語，我都真心驚，覺得做乜又係我？我做錯咗啲咩，日子耐咗，佢就連Instagram打個caption，都要諗會唔會俾人寸。」
Sylvia又自認為自己不懂得表達，她只說：「網上太可怕，太多鍵盤戰士，朋友話：『好快冇事㗎』我知道，雖然口不斷講粗口X扮到好唔在意小事一單咁，其實唔小事，我會傷心我會難過，我好想喊。」她續說：「我唔係一個博出位想出名嘅人，我只係普通女仔鍾意同朋友周圍去影相食嘢happy share，但我唔敢亦唔想再玩啦！」最後她再三重申冇去韓國，亦非相中人。
而羅鈞滿被扣留其間，仍經常更新微博，刻意營造旅遊氣氛，昨日發現他當時入住一間叫「Mono house hotel Chinese」的民宿，其後被民宿貼圖在fb宣傳。
撰文：張嘉澄
from:
http://hk.apple.nextmedia.com/entertainment/art/20150710/19214265
