無綫歌唱比賽《星夢傳奇》的「高分王」鄭俊弘參賽以來一直未輸過，前晚在將軍澳電視廣播城錄影第八集，七連冠的鄭俊弘終於跌落第二名，以3分之微輸給死敵羅鈞滿，打破不敗神話！楊思琦和李豪前晚加入參賽，但兩人歌藝一般，最後成為兩大包尾，思琦得157分，李豪得154分，雙雙出局。
巫啟賢前晚再任評判，他賽前表明要對付徒弟鄭俊弘，他說：「佢呢幾集都攞高分？今晚等我對付佢。」二人合照時表現生疏，自覺是嚴師的巫啟賢直言怕有衝突，他笑說：「見到都唔想同佢講嘢！」
唱《信任》失準
鄭俊弘直言演唱會後很少與師傅聯絡，他說：「唔怕俾人話老師偏心，因為佢都未過兩招畀我。」鄭俊弘以《信任》一曲參賽，惜表現失準走音，僅得173分。反而一直緊隨其後的羅鈞滿，獻唱《寂寞的男人》，被巫啟賢讚有感情，巫說：「雖然你係唱歌，但我聽到你嘅寂寞。」最終羅以176分險勝，他開心說：「巫老師畀佢分數好緊，嚴師出高徒。唔怕同Fred（鄭俊弘）傷感情，大家良性競爭。」問女友張文采有否戥他開心？他說：「我哋都好低調，但佢一直好支持我。」鄭俊弘直認發台瘟，他說：「可能有啲壓力，巫老師做評判怯怯哋，惟有下次努力啲。」
鄭俊弘前晚唱到走音，未能八連冠。
羅鈞滿首次揮低鄭俊弘，自言不擔心影響兄弟情。
王君馨（中）拍劇整傷腳，由楊思琦（右）扶出場。
巫啟賢重踏《星夢》舞台做評判，雖然說話辛辣，但藝人們都欣然接受批評。
王君馨日前拍劇整傷腳踭韌帶，前晚要撐枴杖到場，她契媽亦有到場支持，王君馨賽前說：「好彩唱慢歌，如唱快歌仲要跳舞真係想喊。巫老師教過我運氣，希望我嘅投入度可打動觀眾。」最終她以168分得第四名，而排尾二出局的思琦說：「我都想巫老師畀多啲意見我，對登台好有幫助，唔怕惡評，我成日都喊，係感情流露嘅一種。」
from:
http://hk.apple.nextmedia ... 130812/18374436
