吳若希遭網民轟演出咪嘴反擊：人氣咪咁樣儲

吳若希前晚為《明愛暖萬心》演出，被網民指咪嘴不專業。

吳若希（Jinny）出道四年，身邊的是非新聞認真是日日新鮮！母親炒單車頭部重傷、兩個月內外婆外公先後離世、被指愛黐富豪猛人，每當有負面新聞，Jinny依然保持極高EQ，逐一化解，年僅23歲的她認真唔簡單！前晚Jinny參與演出《明愛暖萬心》慈善演唱，之後她於Instagram上載了一張活動相片，吸引近200網友留言。

曬十哥對答

留言好壞參半，其中有網民批評Jinny演唱時咪嘴，Jinny隨即反擊，並掀起罵戰，其中Jinny更留言道：「唔知頭唔知路，係度嘈。好好奇你哋又唔係我fans，又唔知發生咩事，又唔去find out發生咩事，反而用你哋啲咁寶貴嘅時間係度留言，係咪太得閒?!」而當有網民寫上粗口時，Jinny採取封鎖之餘亦寸嘴寫道：「你咁鍾意我，咁留意我，我點捨得block你啫，仲要特登搵個第二個acc留言。我啲人氣咪咁樣儲返lor……多謝你哋。」

此外，10歲從內地來到香港的Jinny入行後由公屋搬到現時的何文田月租約4萬君頤峰，一直有指Jinny全靠搭上地產界林棣權（十哥），越來越富貴，昨日又有報導指十哥送了千萬豪宅壹鑾與價值80萬Tesla電車予Jinny，她昨日於Instagram上載一張與十哥對話的WhatsApp圖片，對話中Jinny以世姪女自稱，二人更以開玩笑性質指應該送BMW i3。

Jinny對於被指鍾情「叔父輩」是想脫貧，她前晚在將軍澳出席活動時，回應指不抗拒「父女戀」：「以前嘅男友都大我10幾年，鄭嘉穎都大陳凱琳廿幾年，我覺得佢哋好登對，自己揀男友，望上去外形合襯、順眼，大家溝通到，有共同話題同目標，唔會介意對方大自己20年。」

撰文：栐仁

吳若希被網民指咪嘴，即時反擊。

十哥是地產界猛人，與圈內眾星稔熟。資料圖片

吳若希貼出與十哥的WhatsApp對話，澄清十哥送樓送車的傳聞。
from:http://hk.apple.nextmedia ... 150629/19201562

吳若希　資料圖片
吳若希（Jinny）與葉翠翠早前在一個公開的表演場合獻唱《眼淚的秘密》一曲，事後有網民在她的Instagram留言，直指她是咪嘴唱歌，Jinny因此與網民展開罵戰。

吳若希昨日將Ig設定為非公開，新的網民不可再follow了。互聯網圖片
Jinny昨日在將軍澳出席活動時，指要為自己的言論致歉，她說：「其實都知道自己火咗小小，每次身體不適會特別躁底，有時用字令到大家唔舒服，有咁嘅情況嘅話係要同大家講對唔住，我只係想得到最小嘅尊重，而唔係惡意嘅攻擊。」雖然Jinny公開道歉，不過昨日她卻將Ig改為非公開，不再接受網民follow。

此外，本月11日結婚的翠翠，透露正編排婚宴座位，而接新娘時將會有破天荒的特別遊戲。

撰文：炎炯炯
from:http://hk.apple.nextmedia ... 150701/19203878

吳若希被傳入行前在尖沙嘴的夜場陪唱，昨日她否認傳聞：「唔係事實！」資料圖片
由公屋妹進駐何文田豪宅君頤峰的吳若希，憑洗腦歌《越難越愛》上位後是非一直停不了，最近有網友在討論區開post爆料，指吳若希入行前疑在尖沙嘴的夜場聲雅廊工作：「小姐名叫咖喱」，亦有雜誌指訪問了在職女公關，對方聲稱：「佢做嗰陣，我都未喺度，呢度啲媽咪講過囉。」

而本報在網上的討論區，亦發現去年有網友貼聲雅廊的周年活動並留言：「打咗去想訂房兼book埋咖喱過夜慶祝七一，但佢哋話咖喱已經冇做。」似乎真的有一位叫「咖喱」的小姐，而吳若希入行前的英文名叫Curry，入行後則改做Jinny，至於聲雅廊的facebook網頁，有成龍、曾志偉及林國斌曾光顧的合照，吳若希又跟成龍傳過緋聞，難怪吸引大批花生友熱烈討論。

有網友在討論區爆吳若希疑做過夜場，並指「小姐名叫咖喱」，碰巧吳入行前英文名叫Curry。

在聲雅廊的facebook上有成龍、曾志偉及林國斌曾光顧的合照。

吳若希連月是非不斷，寥寥開心事僅有日前為葉翠翠出嫁做姊妹。資料圖片
「唔答得你哋」

花生友分成兩批各抒己見，一批質疑真有其事：「尖東蒲友實知X雅廊Curry咖喱」、「原來成龍會上去玩，唔怪得佢哋識。」另一批則力撐吳若希：「真係抹黑無極限，有冇佢返工做小姐嘅合照呀？乜X都冇齋吹！」、「咁話人要有證據，會好傷害人的。」

昨日本報向吳若希求證是否曾在夜場工作，她透過電話回覆：「Sorry呀，唔答得你哋傳媒嘢，唔好意思，同埋唔係事實嘅嘢都唔會回應，唔該晒！」

採訪：皓騫
from:http://hk.apple.nextmedia ... 150715/19219534