網友成日都話「若要人不知，唔好咁低B」。噚日凌晨吳若希喺fb貼出一張相，話睇緊TVB套新劇《實習天使》第十一集嘅劇本。劇本封面插圖係一名女護士七手八腳做緊唔同嘅醫護工作，意思係想表達護士職責繁重，非常有創意。不過幅圖居然同fb一個名為「公立醫院囧事多」專頁嘅版頭圖像百分之一百脗合，專頁嘅作者都發現呢個問題，噚日晨早就喺專頁貼咗吳若希呢幅圖，仲寫住：「偷圖呀！有賊呀！TVB！」之後仲放多張馮允謙攞住同一本劇本嘅相。
吳若希貼睇緊TVB新劇劇本嘅相，俾專頁（右圖）嘅作者貼咗上網。
Fans開盤抄埋古仔
跟住，有位心水清嘅fans宇宙艦長澧就話：「信唔信連故事內容都抄你打po（post）嗰啲文呀啦，我開盤，我賭佢抄足八成。」而當事人之一嘅吳若希噚日透過WhatsApp回應話：「冇回應呀，唔好意思」。
另外，有週刊報導盛傳係吳若希最強後盾嘅十哥林棣權，早排搭路幫吳若希用VIP身份去何文田天鑄睇樓，入場門檻要3,000萬。
撰文：馮仁昭
馮仁昭
from:
http://hk.apple.nextmedia.com/entertainment/art/20150625/19196575
