吳若希兩個月內連失兩至親，年僅23歲嘅佢連番受到打擊！繼4月中吳若希外婆因老人病逝世後，原來佢嘅外公喺週一（15號）因爆血管離世，享年75歲。吳媽媽於3月尾炒車入院，估唔到媽咪大步檻過，外婆同外公卻相繼走了！
早前吳若希因工作缺席外婆喪禮。
吳媽媽喺今年3月炒單車入院，當日坐輪椅出席母親喪禮。資料圖片
痛哭失聲
據知，吳若希嘅外公週日喺屋企暈低，幸好當時吳若希嘅舅父喺身邊，即刻送老人家入院，可惜延至週一走咗。彌留其間，吳若希喺大隻仔溫家偉陪同下，喺醫院通宵陪伴外公，短短兩個月連失外婆同外公，吳若希難過到痛哭失聲。
外公死後，吳若希喺微信悼念：「大前天和外公吃飯，前天送了新電視給他，昨天他還很開心到處跟別人講外孫女送了電視給他……剛好一個月，我想外公應該是想外婆了，想把開心的事告訴她。」
噚日馮仁昭致電向吳若希求證，佢話：「唔好意思，唔答得你！屋企有事發生，我處理到，放心！」問到媽咪係咪知道外公走咗？佢話：「都係咁，唔答啦。」期後她用短訊回覆：「感謝大家關心，阿公年紀大老人病於上星期天過世，其他詳情不欲多談……謝謝支持！」
撰文：馮仁昭
from:
http://hk.apple.nextmedia ... 150619/19189193
