現年36歲的前歌手蔡雪敏（小雪），經歷了兩次婚姻失敗，但今年情人節，第三度出嫁跟韓國男友Robin Cheung在澳洲註冊結婚。Robin更為小雪放棄原本工作，搬到澳洲照顧愛妻及她分別與前兩任丈夫所生的一對仔女。不過，前晚小雪突然在fb連環發文，並附上一張寫有「天理何在」四字的圖片，而另一則貼文勞氣謂：「有錢的人是否大曬呢？自己就住好、著好、食好，但應該負的責任就唔願意負，還走來咄咄逼人，請問天理何在？」
【首任】
首任丈夫突然現身問小雪要銀行戶口，但又再次失聯。資料圖片
【第二任】
小雪直斥第二任丈夫要求沒收送給她的車，不可理喻。資料圖片
自言快被逼瘋
本報昨日致電身在澳洲的小雪，她承認因金錢問題，快被兩任丈夫逼瘋。她說：「第一任丈夫（陳迅元）近三年冇畀過贍養費，金額有成30幾萬，上個月佢突然send錄音口訊，問我攞咗銀行戶口號碼同銀行用嘅名，我諗都冇諗就畀佢，但結果又冇咗影，𠵱家好擔心佢攞我啲資料做乜。」
提到第二任陳姓丈夫，小雪更加激動：「2011年佢買咗架車送畀我，𠵱家佢就不停話要攞番架車。」小雪語帶哽咽說：「我唔係貪錢，架車根本唔值錢，我只係攞嚟畀小朋友代步，唔係佢哋根本返唔到學！」
當日小雪曾將第二任丈夫送的車放上網，對方更留言說是送給他最愛的女人（下圖）。
感激現任體恤
小雪曾向第二任丈夫提出將餘下一年車會贖回，再將車轉到她名下，但對方叫弟弟追她還車，又叫她自己繼續供。小雪嘆謂：「我覺得自己好蠢，當日佢話每個禮拜畀500澳元（約3千港元）贍養費個仔，又話要攞番聯名嘅樓，我都答應，點解仲要咁樣逼我？係咪要逼到我跳樓？我邊到仲有錢供車？」
說到現任韓籍老公，小雪坦言很感激，指他為了一對仔女不惜捱麵包、杯麵，本來在韓國做會計師的他，到澳洲髹油都不介意。她說：「但係點解有啲人，自己過奢華生活，但完全唔肯為個仔負少少責任？」
採訪：小米
from:
http://hk.apple.nextmedia ... 150619/19189247
