闊別樂壇多年的小雪早前有新搞作，與歌手譚嘉荃合唱新歌，唱出受傷女人的感情故事。不過將移民澳洲的小雪坦言唱一首已足夠，希望留個紀念，帶美好回憶過新生活。
雖然小雪（右）與譚嘉荃穿婚紗拍MV，但原來是負面故事。
久未露面的小雪，早前與譚嘉荃（Amy）合作歌曲《天使的手臂》後一直歌癮大發。由於小雪將於十月移民澳洲，希望可在離港前留個紀念，故再與Amy合唱新歌《愛情小說》，推出自己的「暫別作」。
憑歌寄意
小雪稱：「呢首歌係講兩個有經歷的女人嘅感情故事，其實歌風都係比較負面，算係屬於我哋嘅故事。不過出到嚟大家都好鍾意個效果，好開心可以臨離開香港之前，有個完美嘅紀念。」
小雪將於十月移民澳洲。
譚嘉荃（右）很希望再與小雪合唱。
寄情工作
小雪與Amy拍MV時穿婚紗上陣，問Amy對愛情有否憧憬？她說：「雖然我都經歷過愛情失敗，但我對愛情仲有希望，希望可以着住婚紗，嫁畀自己真命天子。（依家有冇對象？）冇呀，依家放晒所有時間喺工作上面，所以我同工作拍拖。不過我都唔急嘅，順其自然啦。」對於小雪將於十月移民澳洲，問Amy會否不捨得？她說：「梗係有唔捨得啦！不過為咗對仔女，希望佢哋可以有良好嘅讀書環境，所以我犧牲又有乜所謂吖。睇吓到時小雪喺嗰邊定好晒所有嘢，之後再返嚟唱歌畀大家聽。」
from:
http://orientaldaily.on.c ... /00282_088.html
