巨聲「大孖」周志文加入無線6年，其間多做配角，不過他的緋聞比事業發展更精采，跟有米舊愛袁紫僑分手之後，周志文轉向無線的上位姐仔埋手，集女名單包括吳若希、蔡思貝、劉珮玥、陳瀅等，有指他媾掂吳若希後未心足，近期被揭連環集女的臭史，結果觸怒吳若希大報復，跟公司篤背脊踢走花弗男，令周志文被高層樂易玲炒魷，更於母親節當日請食無情雞執包袱走人。
據知，周志文跟無線還有兩年多合約，之前收到風無線有意向自己開刀後，急急返公司約見樂易玲哭訴求情，結果被樂易玲勁鏟一鑊，據知情人士透露：「樂小姐好嬲，鬧大孖之前拍《名媛望族》已經衰過一次媾女，搞到好大件事，今次仲要搞幾個上緊位嘅妹妹仔，樂小姐話大孖衰自己唔緊要，搞衰妹妹仔就唔得。」
吳若希被指篤周志文背脊，令他被無線炒魷魚。資料圖片
周志文被指愛集無線上位姐仔，蔡思貝都是其集郵名單成員。資料圖片
溫家偉：佢哋有好感
對於被指篤走周志文，昨日本報向吳若希求證，她在電話說：「唔係事實嘅嘢唔回應。」而溫家偉就被指曾陪周志文搵樂易玲求情，他在電話否認：「冇呀，因為同我冇關係，呢啲係佢私人嘢。」問知否對方是否被炒？他說：「聽講囉。」原因是衰媾女？他說：「我唔係好清楚。」
有指早前吳媽媽入院，周志文刻意孖溫家偉齊去探望，遮掩跟吳若希的戀情，問是否替兩人做煙幕？溫家偉衝口而出爆料：「佢哋係有好感，有冇正式拍拖唔係好清楚，我對Jinny只係好朋友。」問會否相信吳若希篤走周志文？他說：「我唔係好清楚，自己啱啱喺美國返嚟，但唔覺佢會咁做，我識佢好好人，唔會篤人冇份工。」
至於周志文則至截稿仍沒回覆，有指他於母親節當日last day，當晚他在微博貼與孖生弟弟周志康咀媽咪的合照，留言：「祝天下母親身體健康，天天快樂。」
採訪：皓騫
當年周志文拍《名媛望族》時緋聞多多，結果被有米舊愛袁紫僑狠飛。
資料圖片
據知母親節當日是周志文（右）在無線的last day，他在微博孖弟弟和母親合照，狀若無事。
有傳周志文刻意找溫家偉（右）作為掩飾與吳若希的戀情。資料圖片
From:
http://hk.apple.nextmedia.com/entertainment/art/20150513/19145202
