黎淑賢為前夫盧惠光和現任丈夫生下共4個兒子，大仔如今已18歲。
【奇妙駕到】奇妙電視昨日在荃灣一酒店舉行《Summer GO》節目巡禮，宣傳暑假推出的劇集和節目，包括吳綺莉主持的《空間改造王》、黎淑賢主持的《辣媽大作戰》及黎燕珊主持的《朝拜傲媽》等。出席藝人包括鄧兆尊、鄭融、吳嘉龍、黎淑賢、吳綺莉和黎燕珊等，另外4位Summer Girl包括黃榕、Gillian、Victoria和Lala先跳落水池作下水禮，其間黃榕為推介《2017女子歐國盃足球》，而用胸頂足球。
主持《辣媽大作戰》的40歲黎淑賢將在節目中分享靚媽心得，問她有何凍齡心得時，她笑言自己有4個兒子，湊仔會令她消瘦。黎淑賢指下月會帶三子到名古屋旅行，惟獨大仔不會隨行。她說：「大仔𠵱家好少同我去街，佢覺得唔自然，驚街上嘅人誤會媽咪係女朋友，之前有個經歷係帶個仔出去買嘢，佢不斷叫我媽咪媽咪，原來係有原因嘅。我問番個仔，個仔話我哋18歲嘅男仔，𠵱家好多女仔望嘅，如果你企喺我側邊，啲女仔會鄙視我有女友。我就同個仔解釋：『媽咪都好怕俾人話包小鮮肉。』」
之前黎淑賢在社交網分享泳照受激讚，但她未有考慮出寫真相集，她說：「我影嗰輯相係因為今年40歲，18歲選亞姐到𠵱家都未着過泳衣，所以今次一舉兩得。」
黎淑賢昨透露大仔盧俊諺（右）怕被誤會跟媽咪拍拖，而不敢與她出街。資料圖片
鄧兆尊為奇妙電視做主持，跟一班三點式美女在泳池戲水宣傳新節目。
鄭融昨與吳嘉龍（右）出席奇妙電視活動宣傳劇集《閃婚100天》。
黃榕自揭露毛
另外，問到吳綺莉囡囡卓林是否準備去外國讀書？她說：「即將啦，遲啲會㗎啦。」卓林有否覆診？她謂有，至於女兒情況是否穩定？她說：「要慢慢嚟。」
黃榕表示昨日出席活動時貼膠紙防走光，問過往有何走光經驗？她說：「有次去朋友船河，自己下體嘅毛髮都修剪過，點知濕水之後都一『炸』走出嚟，搞到勁尷尬，仲係男士話我知，所以𠵱家做走光措施會做得好啲。」
採訪：卓寶花
攝影：仇志德
from:
http://hk.apple.nextmedia ... 170725/20100264
