黎淑賢慳錢吼斷碼鞋好生養，仲要生親都係boy嘅黎淑賢，分別同兩個老公生咗兩個仔，可惜天命難違，享唔到老公福，到頭來都要離婚收場。
第二任前夫許智政全情投向小三，仔乸全部唔要，失婚黎淑賢唯有帶住兩個仔，做單親媽咪。上個禮拜二（九月）四點幾，湊完仔放學，黎淑賢約朋友行ifc shopping鬆一鬆；正值Lane Crawford做減價，兩女喺女裝鞋部不停睇，黎淑賢大部分時間留守減價斷碼鞋堆中；雖然起碼有40%off，但額頭鑿住個「愁」字嘅佢，始終冇大開「買」戒，見到新貨，更加係拎起望吓就算，試都唔試。
八珍奉行使錢能醫百病嘅歪理，不過，見到黎淑賢，亦不得不承認，心病確實難醫。
主力睇減價斷碼鞋嘅黎淑賢，見到新貨，睇吓當買咗！
同朋友去街shopping，黎淑賢是日所用嘅頸飾同手袋，同早排湊仔放學一式一樣。
