現年36歲嘅前亞姐黎淑賢，近日是非多籮籮，先係同美容醫生許智政嘅婚姻傳出亮起紅燈，仲喺離婚一事上同羅霖出現羅生門事件。羅霖早前爆話介紹咗律師畀黎淑賢搞離婚，但當事人話冇件咁嘅事，仲否認離婚，件事激到羅霖死死吓，仲暗嘲黎淑賢係嘻嘻哈哈虛偽嘅朋友。
黎淑賢（右）果然鍾意嘻嘻哈哈，佢前日喺一蘭門口猛同朋友傾偈。
友人食拉麵
事實係點佢哋先知，但黎淑賢真係有嘻嘻哈哈喎！好似前日黃昏6點半，黎淑賢嘅司機開住積架房車，車佢到銅鑼灣謝斐道近日排晒長龍、等閒都要排個幾鐘嘅一蘭拉麵店門外，原來黎淑賢發現有兩男一女友人喺度排緊隊，仲差唔多排到。黎淑賢同排緊隊嘅女友人一碰面，就開始雞啄唔斷嘻嘻哈哈笑得好大聲，完全唔似婚姻有問題，隱約仲聽到個女士讚黎淑賢keep得好，冇肚腩，搞到佢笑得不知幾開心，仲摸住自己個肚。
吹完一輪水，黎淑賢先依依不捨同朋友講再見。
男性友人原本排咗好耐隊，點知臨時唔食，寧願上埋黎淑賢架車。
吹完水後，黎淑賢見朋友差唔多可以入去食麵，佢就上返自己車離開，但其中一個排隊男友人就有啲奇怪，佢居然放棄排咗好耐嘅位，走埋去黎淑賢架車傾咗兩句後就跟埋上車，剩番一男一女友人入去食。
一蘭拉麵店無時無刻都有咁多人排隊。黎淑賢同老公許智政傳出婚姻亮紅燈。
from:
http://hk.apple.nextmedia ... 130718/18338194
