杜如風獲封世界級港女：我不嬲物質主義

【港女驚語】
杜如風在節目中自爆家裡有過千對高踭鞋，而被網民稱為港女。電視圖片
杜如風主持的旅遊節目《流行首爾》本週一（5日）在無線播出後，網上評語毀譽參半，有網民封她為「世界級港女」，全因為她一句「屋企有過千對高踭鞋」，又批評她講說話沒語調而且扮相騎呢。

【港女驚語】
杜如風表示對白很多時都是爆肚。電視圖片
負評班底要磨合

向來給人印象大癲大肺的杜如風昨日接受電話訪問時，解釋是做回自己：「做咗咁多年都係咁風格，儍儍哋、癲癲哋，即場爆肚都係我嘅style，同埋旅行梗係使錢，唔通賺錢咩。識我嘅人都知我係shopping queen，都明白冇可能討好全世界。」

對於有網民質疑杜如風拍攝時反應慢，她解釋說：「拍嘅時候係夏天成30幾度，因為要就番播出時間著冬天衫，次次拍完入面件背心都濕曬。最後焗到重感冒加體力透支，試過要叫白車瞓擔架去急症室，所以拍到後期都好似烏雲蓋頂咁。」之前在nowTV播出的《風行全世界》，拍攝連製作都是杜如風跟導演二人組一腳踢，想不到今日工作人員多了，效果還不如先前，她說：「畫面係靚咗，可能新班底未合作過，要啲時間磨合，大家睇埋落去先啦，同埋我不嬲都物質主義啦。」

「不懂，與我無關」

一向「大唔透」兼爛玩的杜如風是嘉禾前宣傳大員杜惠東的獨生女，07年在無線收費台主持《流行東京》，憑搞鬼、癲狂風格闖出名堂，後來替nowTV主持《風行全世界》也有很好評價，想不到新節目未能在師奶林立的無線立足，難怪杜如風在fb說：「懂我的人，就自然會懂我，不懂我的人，就與我無關！」

採訪：李森
from:http://hk.apple.nextmedia ... 150109/18996041

自從無綫播出《流行首爾》之後，主持杜如風被網民封為「世界級港女」，成為部份網民嘅狂插對象。有人話佢成日咁鍾意買嘢，質疑佢屋企係唔係好有錢，先至成為「天生購物狂」。其實，杜如風唔係大家想像咁「大富大貴」，佢曾經講過自己唔買嘢會身痕，中學擁有人生第一張信用卡，就碌爆咗！搞到爸爸媽咪好頭痕，碌爆卡嘅次數更多不勝數，後來佢媽咪要用到調低信用額，等佢碌唔到。杜如風都多謝爸爸退休前一直幫佢找卡數，屋企人冇要佢破產。依家有收入嘅佢，又出旅遊書、寫專欄、出騷，搵搵埋埋應該都夠使。

而作風大癲大肺嘅杜如風，一向冇咩秘密，惟獨係真實年齡，神神秘秘唔肯講。翻查維基(Wiki)網頁，早前曾標註佢嘅出生年份係「1982年5月16日」，即係32歲；後嚟又有人改咗佢出生年份係「1979年5月16日」，即係35歲；2010年有報道話佢當時「33歲」，即係依家可能約「37歲」，真實年齡依然不詳。但就有曾經喺北角衛理小學讀書、兼夾係杜如風同班同學嘅「二五」爆料，指杜如風出生年份係1975年。由此推斷，杜如風今年五月，應該會踏入40歲。
from:http://hk.apple.nextmedia ... 150109/18996864

杜如風節目中跟真實性格一樣大癲大肺，奈何備受批評甚至人身攻擊。攝影：林德雄
杜如風因為一個旅遊節目被20萬網民聲討，更狂數她自大自戀、超級港女，甚至連人身攻擊的肥腫難分也在其中。先旨聲明，筆者並非杜如風粉絲，不過杜如風一向以大癲大肺形象做節目，今次已經收斂不少，對一些粉絲而言甚至覺得有點不夠放。杜如風昨日親自解畫，原來部份內容遭大台河蟹掉，對於遭圍攻一向我行我素的她更是懶得理你，一句「我係世界級港女」認咗先講塞住憤怒網民把口，再以最高EQ回應各方問候，講到底，節目唔鍾意睇可以唔睇，查實可能都是一男子唔發多個免費電視牌惹的禍。

撰文：文國駿

杜如風自07年開始拍攝旅遊節目，之前自己製作的《流行東京》及《風行全世界》皆有不俗口碑，豈料今次與大台合作拍攝《流行首爾》便即出事，有指引來20萬網民怨聲載道要求腰斬節目。杜如風昨日於將軍澳接受本報專訪，她坦言預了有人會不喜歡她做節目的方式，但負評這樣大的確是始料不及。對於網民批評她自大自戀，杜如風笑謂：「講吓笑啫！唔講邊有得笑喎。」更直言手指指是她現實中的小動作，絕非網民所指的扮可愛營造節目效果。杜如風更大方高呼：「我係世界級港女！其實我又唔係使男人錢，我出街拍拖AA制，手袋都係自己賺錢買，人哋買樓，我買衫鈕啫。」

真實年紀成謎的杜如風應攝影師要求下擺出不同可愛表情，冇難度。


母親提醒勿罵戰

作為旅遊節目，杜如風自問已為觀眾提供足夠資訊，她說：「我連邊度唱錢抵啲都有講喎，好多介紹嘅地方都有地址騷出嚟。」至於拍攝時因患上重感冒而口齒不清，她也希望觀眾能夠體諒，似乎所有網民的責難，她也樂於化解。至於最人身攻擊的肥腫難分指控，杜如風的答案更令人大開眼界：「咁我係呀。之前腸有菌吸收唔到，醫好之後好快咁肥咗廿磅，我都想Bid返啲菌返嚟。」

沒有不開心，甚至不上心的杜如風，反而爆出母親最為事件着緊及心痛：「媽咪會緊張啲囉，仲係咁提我唔好同人有罵戰。」事出必有因，杜媽媽這樣溫馨提示，應該是想到杜如風多年前曾經在網上跟網民用粗口對罵，杜如風自言現在EQ高了，遇到人惡言相向，只會笑笑便算，她說：「有人話我肥，話我甲組腳，去到人身攻擊唔關個節目事，笑吓咪算囉，同埋我冇可能討好到全世界嘅人，李小龍都唔得啦，至少丁珮唔係！」直腸直肚的又一例子。

杜如風表示自己製作《風行全世界》時雖然辛苦，但題目較自由。

資料圖片

杜如風與爸爸杜惠東感情要好，但不想給人靠父蔭的感覺。

資料圖片
爆對白遭河蟹

杜如風又爆現在播出街的《流行首爾》並非完全版本，更透露無綫方面刪剪了一些很「杜如風式」的說話：「我最深刻嘅係有一度講韓國好興化嘅一字眉妝，我就話最襯一字眉妝嘅係林正英先生。之後導演cut咗，話最好唔好拎前人嚟講。」至於今次與大台合作跟之前自己製作節目，杜如風坦言各有各好：「免費電視始終都有規條嘅，但係我拍攝時就輕鬆好多，成條team有個人，我食完嘢又唔使畀錢；嗰陣自己製作時，可能會叫攝影師飲少兩杯咖啡，都係錢嚟嘛！」

杜如風的爸爸杜惠東是資深傳媒人，在娛樂圈交遊甚廣，杜如風笑言為此，她初出道時故意不認父親，她說：「直到我出本旅遊書出到第7版，有啲成績先認佢，唔想俾人覺得我有成績係靠爸爸！」

直腸直肚的杜如風指無綫刪剪了部分「杜如風式」說話。

罪狀逐樣睇

杜如風作風向來我行我素，主持節目亦有自己一套，可惜惹來觀眾狠批其六宗罪，但是越鬧越睇！

【罪狀1】

狠批她大癲大肺，常以「小弟」自稱，喜歡邊行邊唱歌。

【罪狀2】

被鬧說話沒有語調，扮相騎呢，又多小動作。

【罪狀3】

自誇家中有過千對高踭鞋，又大晒名牌，被封「世界級港女」。

【罪狀4】

被批評節目只顧玩樂購物，欠缺旅遊資訊。

【罪狀5】

說話速度慢半拍，表情呆滯，兼且反應遲鈍。

【罪狀6】

被罵肥腫難分，擺明人身攻擊。
from:http://hk.apple.nextmedia ... 150111/18998332

杜如風抱愛犬出席百萬行，心情未被影響。

杜如風行為出位，說話生鬼，最近成為20萬網民的公敵，仍可以處之泰然。沒機會拖男仔只好拖狗仔的杜如風昨日出席「SAA人狗同樂百萬行之特務狗狗」活動，在席上她跟老友鄭融雞啄唔斷，突然見到記者一擁而上，杜如風即刻爆肚說：「圍住我吧！」牙擦擦的杜如風直認最近習慣被好多人圍，她說：「係呀！圍住我唔緊要，千祈唔好話我肥，影得我瘦啲。」

笑言拍《流行地府》

為大台拍攝旅遊節目，杜如風早有心理準備，不會所有人都接受這類破格手法的旅遊節目，她說：「我冇理，尤其係人身攻擊更加唔會理，已經唔關我節目事，話我甲組腳，我都笑咗出嚟，人哋點講都好，我咪做好自己。」有網民高呼停播杜如風節目，並建議改播《叮噹》，她抵死地說：「我都想睇《叮噹》呀！但可唔可以做埋我呢個節目先，緊接住播。」

面對四面圍攻，杜如風一於闊佬懶理，還反高潮說要拍《流行地府》，帶大家參觀地府：「或者拍《流行地府》，拍完將啲片燒番上嚟，叫你哋收，應該幾好睇，mark住七月十四播，播到關門為止，咩煉獄，咩地獄火呀！哈哈哈！」

另外，宣萱拖住一隻7歲唐狗Boom Boom到場，她表示早前領養兩隻狗都先後過身，Boom Boom是最近領養的唐狗，她說：「佢最初嚟到霸地盤，同屋企兩隻狗打交，畀佢哋撕開左耳，之後我同佢講咁樣唔啱，佢以後就唔敢。」

採訪：馬建華
攝影：沈健程

杜如風節目《流行首爾》遭20萬網民狠批。

電視圖片

杜如風（右）和好友鄭融雞啄唔斷，不知是否講首爾在流行甚麼呢！

宣萱帶新領養的7歲唐狗Boom Boom(右)出席狗狗百萬行。
from:http://hk.apple.nextmedia ... 150112/18999221