正所謂「成功需父幹」，有強勁後台支持住，已經「贏在起跑線」，（原則上）做咩事都事半功倍。好似關楚耀（Kelvin）咁，當年挾住「譚詠麟契仔」名義入娛樂圈，去到邊都有校長照住，加上Kelvin爸爸關維麟係唱片公司監製兼唱片公司高層，佢伯父係泰迪羅賓，牌面已經優先過好多人。
圈中其實仲有唔少呢種幕後高層子女加入娛樂圈嘅例子，好似杜如風咁，大家除咗記得佢係「世界級港女」之外，其實佢係已故資深傳媒人杜惠東之女。喺外國讀完書後，獲父向英皇電影推薦做日本電影字幕繙繹，亦曾為無綫主持旅遊節目，人氣漸升，繼而轉為拍攝日本旅遊節目，再以外判形式賣畀電視台，同時亦係專欄作家。
from:
http://hk.apple.nextmedia ... 161109/19827452
