鄭秀文（Sammi）的「Touch Mi世界巡迴演唱會」跨年演唱會，前晚已是第9場演出。早前先後有張學友、黎明及古天樂等巨星上台獻唱，前晚就請來「話唔嚟又嚟」、曾與Sammi合作過電影《失戀急讓》的張家輝撐場。而捧場的嘉賓除何韻詩、黃耀明等外，還有馮德倫的前度及現任女友莫文蔚和舒淇，兩人大方坐在一起大談貓經。
Sammi演唱會前晚第9場，更High爆擲毛巾。
原先表示不會出現的張家輝，最後都有鬼馬現身。
家輝吹水曬肌
Sammi出場時特別提到舒淇、莫文蔚在場，她表示很想打兩人因為她們太瘦。到表演嘉賓張家輝出現，全場起鬨，Sammi笑說：「你又話嚟唔到！」抵死的家輝在台上發揮化骨龍吹水本色說：「本來我嚟唔到，因為我又開演唱會。但突然之間收到消息話個期俾你攞咗！咁我咪嚟到囉！」
Sammi大讚家輝在拍《激戰》時的身形，令當時報名做gym的男士急升，家輝即搞笑地說：「真係要講句公道話，啲gym咁好生意，應該分返啲畀我啦！做gym太急會受傷睇醫生，咁醫生係咪要分番啲畀我，跟手就做埋物理治療，咁起碼收返幾百萬啦！」
接著大螢幕放出一張家輝半祼肌肉照片及一張Sammi的結實小腹肌相片。自言一場來到不唱不行的家輝隨口哼出兩句《叮噹》的歌詞後，便拖著Sammi返回後台。
莫文蔚昨透過助手回覆跟舒淇同坐一事：「大家好耐冇見，以前合作過拍電影《夕陽天使》，噚晚見到好開心，大家一齊撐Sammi。」有否問舒淇跟馮德倫幾時結婚？她說：「唔會講呢啲，只係互相問候對方嘅寵物，因為大家都鍾意貓。」
另外，讀者劉小姐昨向本報投訴由上月聖誕節當日起，經城市售票網買即日票傷健座位，但門票在一秒內就售罄，她接受電話訪問時說：「到今日（31日）都係咁，反而喺討論區每日都有同一個人放呢啲炒飛出嚟，好多時仲預早一日就問人買唔買。」
採訪：李森
大螢幕上現出Sammi及家輝的肌肉照。
from:
http://hk.apple.nextmedia ... 150101/18987399
