熊黛林有新戀情，春風滿臉。
熊黛林、佘詩曼及王馨平等昨日在中環出席護膚品牌活動，與郭可盈胞弟郭可頌拍拖的熊黛林春風滿臉，大方承認感情剛萌芽但穩定，雖然頻撲中港兩地，但感到愉快，她說：「好開心做番一個普通女仔做嘅嘢，可以好似普通女仔行吓超市，食吓下午茶，都好開心。」是否已見家長並視為結婚對象？她說：「慢慢嚟，一步一步，唔好一開始咁講，怕嚇親人。」
有指郭可頌身家豐厚，熊黛林即維護男友說：「寫到好誇張，佢都好努力做嘢，我好欣賞佢嘅勤力同努力，佢成日由朝忙到晚。」
熊黛林早前與郭可頌，找朋友掩飾拍拖。資料圖片
首次有安全感
熊黛林不諱言以前覺得拍拖要有數個月試用期，但今次時間需短，但卻感到很有安全感。問到是否舊愛郭富城沒安全感？她說：「由第一次拍拖開始，唔係好定性，唔知呀，冇呢啲感覺。」對於城城又惹上桃色新聞，她即避談，自稱不在港沒留意，很久沒見對方不清楚近況，但大家朋友一場，會祝福他盡快覓得適合對象。
王馨平笑嘉穎
同場的王馨平對前男友鄭嘉穎早前被拍到在夜店咀女，王馨平笑說：「我有同嘉穎通電話，仲笑佢咁唔小心，其實我覺得冇乜所謂，單身識女朋友好正常，我都好鼓勵佢，佢講笑問我有冇女仔介紹。」會否覺得嘉穎大膽兼猴擒？她說：「呢啲我唔可以評論，唔會咁深入討論。」
採訪：溫敏芝
攝影：陳順禎
王馨平取笑舊愛鄭嘉穎偷食不夠小心。
佘詩曼以tube dress襯短髮，造型清新。
from:
http://hk.apple.nextmedia ... 150122/19010760
