熊黛林嫁硬郭可頌寸郭富城冇安全感

熊黛林（Lynn）被前度郭富城拒認女友七年，現城城卻高調曬國產新歡方媛（Moka），幸好Lynn終找到Mr.Right郭可盈弟弟郭可頌。自城城爆出新歡後，Lynn昨首度現身中環出席公司Style加盟林建岳旗下寰亞記者會，著紅色deep V喱士裙的Lynn甜笑曬幸福，主動叫郭可盈做家姐：「聖誕會去旅行，之前家姐講咗，會去沖繩。」

Lynn透露聖誕會與郭可頌及其家人到沖繩旅行。資料圖片

城城近日反常態高調認新歡Moka。資料圖片

Lynn所屬公司Style昨正式加盟林建岳旗下寰亞娛樂。

「你曬得我又曬得」

有傳Lynn跟男友會在沖繩結婚，她說：「唔係，都未求婚。」還坦承首次跟男友家人去旅行，自己更是首度去日本。問會否應承男友求婚？她甜笑說：「睇嚇係咪好齊全，花、戒指同跪地都有。」

問到男友是否Mr.Right？Lynn再甜絲絲說：「應該係啦，如果唔係唔會咁快公開。」已準備結婚？她點頭：「因為對方畀到我安全感。」前度缺乏安全感？她暗寸城城說：「之前幾段我太后生，唔係咁識拍拖，𠵱家呢個好成熟。」對於城城公開戀情，Lynn笑笑口寸：「一定睇到，日日都有新聞。」問到覺得兩人合襯嗎？她說：「自己開心鍾意就得。」提到Lynn在微博曬鞋相反擊，她否認：「冇乜反唔反擊，公眾地方你曬得我又曬得，開心就擺嘢上去。」對於被城城暗寸生活唔係戰場，唔需要一較高下，Lynn說：「冇話高唔高下，唔肯定自己幸福先會同人比較，我完全冇呢個需要。」現在好幸福？她曬命說：「睇笑容啦，講嘢言行睇到啦。」因為現在見得光？Lynn大笑：「哈哈哈！𠵱家舒舒服服唔使擔心講錯嘢，冇乜包袱，好似普通人拍拖咁舒服。」

採訪：羅慧敏
攝影：陳志嵐

9金句反擊舊愛

1.叫郭可盈做家姐：「聖誕會去旅行，之前家姐講咗，會去沖繩。」

2.認定男友郭可頌是Mr.Right：「應該係啦，如果唔係唔會咁快公開。」

3.暗示城城冇安全感：「𠵱家呢個好成熟。」

4.寸城城高調曬新歡：「一定睇到，日日都有新聞。」

5.微博曬鞋狙擊城城拖手相：「公眾地方你曬得我又曬得，開心就擺嘢上去。」

6.反擊城城「一較高下」論：「冇話高唔高下，唔肯定自己幸福先會同人比較，我完全冇呢個需要。」

7.自認好幸福：「睇得出唔使講，睇笑容啦，講嘢言行睇到啦。」

8.曬戀情見得光：「𠵱家舒舒服服唔使擔心講錯嘢，冇乜包袱。」

9.否認跟城城拍拖時有公主病：「哦，咁我真係唔知。」
from:http://hk.apple.nextmedia ... 151211/19407162

熊黛林前日連講金句反擊城城晒愛，有指男友郭可頌嬲爆她對城城未忘情。資料圖片
郭富城、文詠珊（Janice Man）及陳凱琳等昨日在會展出席浪琴表香港國際賽活動，城城透露其愛駒「愛的呼喚」及「愛將」已在新西蘭退役，雖有再抽新馬但不會睇得太重。記者問到他現時是否以感情為重，他表示：「𠵱家工作為重，希望大家分享我工作一切，工作以外傳聞唔回應。」

「祝所有人開心」

舊愛熊黛林（Lynn）日前出席活動暗示城城沒安全感，高調大談現任男友郭可頌作示威，有指男友覺得她早前貼情侶鞋反擊，似是對城城未忘情，繼而引發冷戰，城城再重複說：「工作以外唔回應。」再問他是否因早前大晒與女友方媛戀情惹來負評，他表示：「過去嘢唔好再講，生活上每個人都應該向前看，人要進步，祝福所有人能夠開心同幸福。」

JM透露男友曾送名貴手錶作生日禮物，月底將是她的27歲生日，由於要返寧波拍劇半年，男友及朋友日前已為她預祝生日。記者問到正日男友會否返內地探班送驚喜，過二人世界慶祝，她笑言：「唔會、唔會，正日要開工拍戲，我又冇話一定要嚟。」問到她已收了男友的生日禮物？她表示：「未，人大咗隔籬有個心靈陪伴最重要，已經好開心。」

城城早前高調與女友方媛示愛惹來負評，昨晚他出席活動表示希望大家專注他的工作。

JM將會返內地拍劇半年，日前已與男友預祝月底的生日。

與鄭嘉穎熱戀中的陳凱琳，昨晚谷胸現身會展。

JM表示與男友有共識不會閃婚，不過有意與男友一起搞生意，提到她與城城齊齊拍《寒戰2》，有否見到對方春風滿面，她表示：「我多數同發哥（周潤發）、張家輝一齊拍，群戲ending先見到佢。」

採訪：張俊銘
攝影：陳志嵐
from:http://hk.apple.nextmedia ... 151212/19408942

郭富城突然高調公開與大陸嫩模方媛（Moka）拍拖，曾與城城拍拖七年的名模熊黛林（Lynn）昨日在活動中首度開腔回應城城戀情，句句寸爆！談到有否留意城城的新戀情？她說：「一定睇到，日日都有新聞。（覺得佢哋襯唔襯？）自己開心同鍾意就得，我呢啲外人只可以祝福。（唔開心佢以前唔公開戀情？）我依家開心就唔會諗以前，以前啲嘢已經唔重要。」

Lynn風騷慶幸可舒服拍拖，還寸爆郭富城！

Lynn說不認識Moka，不方便評論城城是否轉了嫩口味，至於早前她在網上晒與男友的情侶鞋，是否藉機反擊？Lynn說：「冇話反唔反擊？呢個公眾地方，你晒得，我又晒得，大家開心就好。（佢話生活唔係戰場，唔需要一較高下？）我覺得唔肯定自己係咪幸福嘅人先要同人比較，我依家冇咁嘅需要。（依家好幸福？）大家睇得出，從我笑容就知。（因依家戀情見得光？）哈哈，係終於可以舒舒服服，唔使驚講錯嘢、做錯嘢！」

聖誕節Lynn會與男友郭可頌及其家人去日本旅行，但否認此行辦婚禮，男友都未求婚，希望男友求婚時做足全套有戒指、花及跪地，Lynn又揚言已ready結婚，並慶幸找到令她有安全感、覺得下半世都想跟他一起的人。

熊黛林等待男友郭可頌求婚。

郭富城與女友Moka先爆拖手相，再爆一起吃飯相。

from:http://orientaldaily.on.c ... /00282_005.html

熊黛林（Lynn）今次喺電影《葉問3》繼續做葉問老婆，除咗有少少動作戲外，佢仲同兩個細路有對手戲，本身好鍾意小朋友兼有一套教仔方法嘅Lynn話：「我希望將來生個女，可以幫佢扮靚，自己啲袋、衫都諗住留返畀佢。」Lynn話同朋友girls talk，都有講生兒育女問題：「有個朋友有咗，係仔嚟，我同佢講過多兩年我生個女，但係我諗冇咁快嘅，呢兩年特別忙，做嘢緊要啲。」

撰文：馮仁昭
from:http://hk.apple.nextmedia ... 151215/19411981