宅男女神劉心悠，標緻的外表，乖乖女的性格，深受高登仔的歡迎，更被暱稱為心悠bb。劉心悠為了擺脫清純可愛的形象，近年接受了不少新挑戰，作出破格的演出，在電影《小姐誘心》入面，心悠bb首度跟周柏豪合作，戲中二人飾演一對為生B的新婚夫婦，婚後目標為本，日做夜做都是為了造人成功，片中不乏兩人強咀鏡頭，但最後搞到周柏豪對住心悠bb性無能。
在新戲中心悠bb演一個傳統辦公室女職員，性格保守，婚後嫁夫隨夫，為了生仔想盡辦法，計時間、量體溫，就是一個典型的生仔機器，兩夫妻為生B機械式造人，失去夫妻間基本的性趣，所以在戲中心悠bb為了討回老公的歡心，四出蒐集良方，集各家大成。
周柏豪和劉心悠在《小姐誘心》有不少親熱戲。
紮起兩條孖辮的心悠，「嚇窒」了周柏豪。
劉心悠以制服色誘戲中老公周柏豪。
著校服新鮮
心悠在床上使出渾身解數色誘周柏豪，當中以制服誘惑感覺最新鮮。紮起兩條孖辮、穿上校服、手執兩個啦啦球的心悠bb，大騷青春可愛，她昨說：「套戲入面有唔少床戲同親熱鏡頭，因為拍呢套戲嘅場地都係比較細，所以唔使點清場，間屋咁細，又冇開冷氣，就好熱好焗，流咗好多汗，搞到黐𣲷𣲷，好鬼尷尬。」
「唔擔心尷尬」
跟心悠bb有多場激吻親熱戲的周柏豪，可會擔心再成為高登公敵？他昨日笑說：「冇諗，其實都係跟劇本去做，相信監製，心悠同大家都係想做好部戲，冇擔心任何嘢，劇本適合就演好佢，唔會擔心有乜尷尬，拋開所有包袱，相信大家會欣賞呢樣嘢。」而《小姐誘心》將在平安夜率先放映優先場。
採訪：非非
from:
http://hk.apple.nextmedia ... 141218/18972642
