王祖藍前晚出席首映，宣佈與李亞男明年2月14日行禮。
王祖藍被指主演的劇集收視不濟，為救劇救台慶搶收視，安排在台慶夜向女友李亞男求婚。前晚祖藍在尖沙嘴出席《黃飛鴻之英雄有夢》首映禮時死撐說：「唔肯定（劇集）收視幾多，但網上點擊好高，出街好多人都話有睇，點擊係最高。」被指求婚做騷無助收視？他說：「知己知彼啦，我唔知佢哋播放時間係點，係咪好似盒仔嗰啲呀？如果係就唔會直接影響，電視係另一樣嘢。」另外，祖藍即場宣佈落實明年2月14日情人節在九龍城教堂行禮，翌日在迪士尼擺酒。
張晉（右二）等為有份參演的《黃飛鴻之英雄有夢》撐場。
祖藍堅稱向女友李亞男求婚並非為求收視。資料圖片
導演周顯揚新片首映，同日囡囡出世，可謂雙喜臨門。
至於《黃飛鴻之英雄有夢》導演周顯揚和太太杜緻朗的女兒，選擇在爸爸的新片首映日出世，周顯揚昨說：「囡囡好有性，知道今日係爸爸大日子，囡囡係為爸爸贈興，真係雙喜臨門，多謝咁多位好友嘅祝福，我同太太對小天使嘅來臨，感到好欣喜，希望囡囡身體健康，長大後擁有一個世界觀同夢想，向住夢想進發，作為父母就心滿意足了。」
採訪：溫敏芝
攝影：陳志嵐
from:
http://hk.apple.nextmedia ... 141127/18948942
