前晚萬聖節在中環的《屍城》派對，未見妖怪橫行，而是「胸」群出動，一班應邀出席派對的女士Jessica C.、袁嘉敏、黃榕、區文詩、仙樂都和尹蓁晞等，在派對上進行一場胸戰，她們均穿上酥胸半露的低胸裙現身。當中以鬼妹Jessica C.最專業，她以安琪蓮娜祖莉（Angelina Jolie）的黑魔後造型出現萬聖節派對，身邊還有扮《北斗之拳》拳四郎的安志杰和自畫骷顱骨面譜的伍允龍陪伴左右。
【谷胸魔後】
Jessica C.性感谷胸扮安琪蓮娜的黑魔後。
【單身女鬼】
區文詩血淚女鬼造型，配合動作表情給大家影相。
【嚇到面青】
一班《屍城》的演員開萬聖節派對，貴婦袁嘉敏（左）完全格格不入。
自爆接連失戀
仙樂都穿著紅色低胸旗袍扮紙紮公仔，袁嘉敏則完全不配合主題，竟然扮貴婦，黃榕（榕姨）最搞笑，穿著低胸貼身裙，以一身美少女戰士月野兔打扮的榕姨表面上心情不俗，卻自爆接二連三失戀，希望在派對上另結新歡，她說：「今日我係月野兔個女小小兔，豆丁兔，畫咗血喺眼下面，都想靚為主，想識個朋友，我啱啱失戀，戴咗粉晶，著桃紅色旺嚇，我都傷心咗成個月喇！成日遇到花心男，我發覺我人生成日遇到壞男人，接二連三被人拋棄兩次。我自己喺屋企喊，今日想出來識番個新男仔。」
榕姨表示失身失感情，並未有損失金錢，她說：「前男友冇話分手，已經聯絡唔到一個月，好多朋友同我講佢識女仔。佢都算係做呢一行，唔係香港人，係內地人，冇合作過，係朋友介紹識，我唔會尋死，唔值得囉！只係維持兩三個月，就失蹤咗，男人得咗就係咁，我都成日同自己講呢句，但係成日遇到呢啲賤男。」
採訪：王連連
攝影：陳慧安
from:
http://hk.apple.nextmedia.com/entertainment/art/20141102/18920416
