由劉俊輝執導、李逸朗（Don）主演的電影《男極探射燈》開拍至今是非停不了，先有齊昕缺席記者會被導演鬧爆，最後由新人楊子瑤頂替擔任女主角，一句：「我正常啲啩！」說是取代的原因，即被齊昕以奀星來反擊她；電影雖已在日前煞科，但是非仍然未停，有報導指黃榕自爆「執三攤」接替楊子瑤演出，又再辣㷫楊子瑤，揚言想跟她當面對質。
黃榕(圖)日前自爆執三攤演《男》，「首攤」女主角為梁齊昕。
梁齊昕
楊子瑤日前有份與李逸朗等人在尖沙嘴拍《男極探射燈》。資料圖片
對白兩份講
日前有報導引述黃榕表示自己「執三攤」接替楊子瑤演出《男》片，楊子瑤昨日接受本報訪問更明寸「有人」搞新聞，又指黃榕得兩組戲，如何當女主角？楊子瑤說：「唔知點解件事會咁，即時反應係唔開心，由簽約開始已講明我係女一（指女角），佢（黃榕）只得兩組戲，都係同我對手，做社工，啲朋友話畀我知有呢單新聞，以為我俾人叮走咗，個位俾黃榕頂上，我話唔係呀，戲我都拍完啦。」
楊子瑤表示，跟黃榕是今次拍戲才認識，她又說：「之前都有睇過佢嘅罵戰是非，如果今次呢件事係佢親口講，咁樣講去歪曲事情，我真係覺得好奇怪同過火。拍戲前已有前輩提醒我男女感情同是非要避忌，所以我同Don除咗拍戲時都保持距離。」問她跟黃榕可有不和？楊子瑤稱：「除咗對手戲我哋冇乜傾偈，唔熟識佢為人，但我記得有場煞科戲，導演臨時加句對白，要講『唔好咁衰，快啲放返佢落嚟』，我都主動要求同佢兩份講對白啦！總之第日見到佢，我都想親自問嚇發生咩事！」另外，黃榕及前組合AD2成員艾美琦（Amy）同時在暑假推出寫真集，早前2人為代言的纖體公司拍攝性感照，齊齊全裸上陣影相，相當搏命。
採訪：卓寶花
攝影：陳慧安
from:
http://hk.apple.nextmedia ... 150812/19251818
