陳豪避談與廖碧兒為鄰「以前嘅事過咗去」

1^# 大中小 young 發表於 2014-10-13 09:54 發短消息

陳豪與廖碧兒（Bernice）分手多年，雖則各走各路，但情況就大不同，陳豪與陳茵媺（Aimee）婚姻幸福，即將迎接第二個孩子出生；Bernice則緋聞一大籮，最近又有傳她好不甘心，妒嫉陳豪太幸福，上月以4萬元月租大埔比華利山一個約2,700呎單位，而且更正正與陳豪為鄰，陳豪拖住老婆Aimee、囝囝出街，隨時會撞到正。

碧兒：唔知陳豪住嗰度

昨日陳豪、琦琦，汪琳與囡囡及老公、名模趙嘉懿和囝囝等，在尖沙嘴出席「Kinder＋Sport童跑同樂馬拉松2014」親子活動，陳豪避忌拒談：「唔好意思，唔方便回應。」追問他封嘴是否怕Aimee介意？陳豪不諱言：「唔太方便講，我哋𠵱家係一個好開心嘅家庭，以前嘅事已經過咗去，希望人人生活都好。」至於Bernice昨日接受電話訪問，否認與陳豪做鄰居，她說：「我唔係住大埔，嗰度係我家姐屋企，我平時如果喺附近行山就會去探家姐，事前我亦唔知陳豪住嗰度。」

廖碧兒昨回應指當日只是探望住在大埔的胞姊，稱不知道陳豪住在隔鄰。資料圖片

陳茵媺與陳豪預備迎接第二胎，但未知道BB的性別。資料圖片
此外，琦琦表示囡囡Ella前日跑步不慎跌傷，老公任達華經常鼓勵囡囡做運動。最近有報導指華哥有意投資在深水埗買舖，琦琦說：「其實已經有㗎喇！佢一向鍾意投資地產，覺得舖最好，磚頭實在啲，我就鍾意買股票，我好佩服佢嘅眼光，不過佢都係為個女，同埋家庭有更好嘅生活。」另外，汪琳表示暫時不會重返幕前，想陪伴女兒成長。

採訪、攝影：藍文浩
From:http://hk.apple.nextmedia ... 141013/18897940

廷伸閱讀/相關主題推介:

相關主題:廖碧兒陳豪

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2014-10-13 10:02 發短消息

陳豪繼續造人，無女不歡

已育有一子的藝人陳豪將再度成為父親，雖然尚未知道孩子性別，但他已預告此胎後會繼續造人。來日方長，難怪他毫不急於知道胎兒性別，總會有一胎是女兒，湊成「好」字。

鳴槍嘉賓主持馬拉松起步禮。

藝人陳豪及琦琦昨日出席《Kinder+Sport童跑同樂馬拉松2014》，身為「Kinder+Sport大使」的二人除了頒獎給一眾健兒外，更與費列羅亞洲有限公司董事總經理（北亞區）Mr.Mauro De Felip及市務推廣總監（北亞區）Mr.Spencer Lee一同擔任鳴槍嘉賓，為馬拉松主持起步禮。而名模趙嘉懿、藝人汪琳及姚嘉妮均攜同子女到來，參與此親子活動。

未知性別
陳豪坦言來年考慮帶同小朋友出席，並笑言自己最愛與兒子進行親子活動。他又透露懷孕四個月的老婆陳茵媺的安胎情況良好，加上吸取了上一胎的經驗，故是次輕鬆不少，但作為「新手爸爸」的他，依然感到很緊張。問他知不知道胎兒性別？他坦言：「未知，我好開通，上天畀仔定女我都開心。（係咪想湊夠個『好』字？）我都希望有女。（會唔會繼續造人？）會，我好願意接受上天派幾多個小朋友畀我。」他坦言不急於知道孩子的性別及樣子，故並未照4D超音波，他說：「順其自然，好似太太都堅持順產。（入產房？）一定會。」而提到有報道指其舊愛廖碧兒搬到他家附近，他即三緘其口，不作回應。

琦琦和陳豪在台上搞鬼展現跑步英姿。

「新手爸爸」陳豪坦言想追個囡囡。

名模趙嘉懿、藝人汪琳及姚嘉妮均攜同子女參與活動。

獨具慧眼
而問到琦琦有關丈夫任達華早前被《好報》獨家拍得於深水埗睇舖，是否打算買舖？琦琦坦言：「佢鍾意投資地產，成日都睇緊。（有心儀舖頭？）有，啱就會買，佢唔會炒股，好腳踏實地。（你有冇畀意見？）冇，佢鍾意投資地產，我鍾意投資股票。」她坦言非常佩服老公的投資眼光，即使是不被看好的地段，他亦會購買，而物業最後更升值。

文：名人組
From:http://orientaldaily.on.c ... /00282_020.html

TOP

3^# 大中小 young 發表於 2014-10-20 18:28 發短消息

廖碧兒提舊愛唔開心

藝人廖碧兒及薛家燕昨出席《乳健同行》活動，提到感情生活，碧兒說：「好開心！（拍緊拖？）冇，感情可以包括家人、朋友，男性朋友我都有好多。（錫得嗰啲呢？）都想有，睇緣分，（有人追？）單身女仔有人追好正常，（吊高嚟賣？）冇諗過，順其自然，冇得急，最緊要啱傾同timing。」她又否認搬近舊愛陳豪：「我行山咁啱行到，香港好多行山地方我都行過。（唔開心被舊事重提？）少少唔開心，我努力做好自己，希望可以講番我自己嘅嘢。」

廖碧兒自言有人追，大家最緊要夾。

家燕姐則說：「婦女要注意乳癌，我唔係講鹹濕，要自摸，自我檢查。我都有提啲囡囡做，乳癌發現得早，係可治之症。我又奉行每日三笑，早午晚餐前都笑吓，好似祈禱咁，好情緒幫助到健康。」

薛家燕奉行每日三笑保健康。
from:http://orientaldaily.on.c ... /00282_062.html

TOP

4^# 大中小 young 發表於 2015-1-19 11:15 發短消息

廖碧兒拍劇貪新鮮

【女兒國】港視劇《來生不做香港人》播映完畢，緊接推出由廖碧兒（Bernice）、蘇永康主演的《童話戀曲201314》。《來生》口碑佳，Bernice自言無壓力，還對《童》劇充滿信心，她昨日在電話中說：「因為題材夠新鮮，同外國音樂電視劇《吉列合唱團》有啲相似，但亞洲區就好少同類型劇集。」

Bernice直言拍攝過程比一般劇集辛苦，她解釋：「拍嘅時候，我同蘇永康都各自有其他工作，所有嘢要喺兩星期內拍晒，但事前又要抽時間排舞。記得有一場雨中戲，蘇永康唔小心跌咗落我度，手腳流咗好多血，但我擔心拍唔切，最後堅持拍多兩個鐘。」

攝影：陳志嵐
採訪：嵐山
服裝及場地：ESCADA
from:http://hk.apple.nextmedia ... 150116/19004063

TOP

5^# 大中小 young 發表於 2015-1-26 21:03 發短消息

勁過世界級港女？廖碧兒：其實我好慳

廖碧兒日前接受專訪時自認慳妹，加上投資有道，現已擁多個物業。

攝影：陳志嵐
近年在廖碧兒身邊出現的男士都非富則貴，如果說杜如風是世界級港女，廖碧兒也就是環球拜金女，但實情這位拜金女靠的不是男人，她揚言是靠自己：「其實我好慳！」感情路上，廖碧兒還有無限憧憬，祈盼將來可與相愛的人於酒莊園赤住腳行婚禮，尋覓童話式的戀愛故事。

撰文：嵐山
周杰倫與昆凌在英國古堡舉行童話式婚禮，實在令人羨慕。最近港視播映的《童話戀曲201314》又是一個窮少女遇上富哥哥的戀愛故事，劇中飾演舞蹈老師的廖碧兒有點神經質，可以一秒變臉，現實中廖碧兒都覺得好恐怖，她日前受訪時說：「係有少少變態，試過整暈蘇永康然後舔佢塊面，又有諗過殺咗佢。佢哋嘅愛情其實有少少酸，因為個女仔曾經受傷害。」廖碧兒的感情路也非平坦，與劉愷威、陳豪相戀都無結果，問是否也受過傷害？她說：「咁當然啦，無論感情或工作都會有上有落，但過咗去唔想多講。」有傳廖碧兒曾一腳踏兩船，瞞陳豪戀坐擁數億元身家的富二代林忠豪，早前又與薛世恒及酒莊莊主傳緋聞，即被封為拜金女，鬼妹仔廖碧兒起初不明拜金的意思，得知後即氣上心頭說：「好傷心？係㗎，屋企人仲嬲過我，因為佢哋知晒所有真相。」

坐擁五層樓

好多女仔恨嫁入豪門，廖碧兒卻不以為然，自言不缺錢，她說：「我唔覺有咁需要，我自己都養到自己，開心靠自己。」據悉她在娛樂圈多年累積不少財富，在香港、加拿大等地有四、五個物業，被指是低調富婆，廖碧兒表示：「我唔知點先算富婆，但入行第二年我已經買咗人生第一層樓，因為覺得有瓦遮頭好重要。」平時見廖碧兒一身名牌，但她否認揮霍無度，她解釋：「其實我好慳，好彩多年來Gucci、Balenciage、Bottega Veneta、ESCADA等品牌都有搵我做剪綵嘉賓，通常有衫、袋贊助或送禮物，但平時我都會着拖鞋落街。」

恨莊園行禮

既有樣貌、有身材又有錢，無奈三十六歲的廖碧兒仍是單身，她直言要找個十全十美好男人不容易：「愛我仲要愛我屋企人，有我爸爸四分一為人已經好好彩。加上我做呢行，即使佢話得，但如果去睇戲、食飯俾人影到，仲要出最唔靚張相，真係唔係好多人接受到。」不過，廖碧兒仍憧憬真命天子出現，與她攜手步入教堂，她說：「城堡雖然好靚，但我較喜歡大自然，希望將來可以同另一半喺小酒莊園行禮，唔着高踭鞋赤腳都得，最重要係兩個人開心同幸福。」

服裝及場地：ESCADA

三十六歲的廖碧兒仍期待與相愛的人在酒莊舉行浪漫婚禮。

當年與陳豪分手，廖碧兒直言心裏不好受。

資料圖片

廖碧兒在港視劇《童話戀曲201314》中要舔蘇永康。劇照
From:http://hk.apple.nextmedia ... 150124/19013607

TOP