周柏豪尷尬床戰劉心悠

藝人劉心悠及周柏豪昨日到柴灣拍攝新片《小姐誘心》海報，心悠講起與柏豪的激情戲勁尷尬：「我著薄睡衣、短褲拍，以我尺度嚟講算激，有錫嘴同錫身，意識大膽。拍嗰時同柏豪瞭解咗至拍，反而依家講番有啲尷尬。」

周柏豪與劉心悠先瞭解、後床戰。

柏豪說：「我拍嗰時有尷尬，心悠反而冇，好專業，佢放心時，戲都拍得快。套戲講我性生活唔協調，現實梗係唔講你知，總之我做乜都有自信！」
from:http://orientaldaily.on.c ... /00282_016.html

新片中心悠和柏豪飾演夫妻，戲外柏豪卻視心悠「兄弟」。

劉心悠、許雅婷（Kabby）、何佩瑜、莊思敏昨日到葵芳出席電影宣傳，原本大會安排到場傳媒先進行訪問再開始活動，不過因為周柏豪遲遲未出現，所以整個活動要延遲開始。最後柏豪較原定時間遲到一個多小時才現身，他到場接受訪問時說：「我到場時間係2點半，唔知大會安排訪問先。其實喺ICQ年代我有儲心悠嘅相，不過一直都冇機會合作，今次合作之後好開心多咗個『兄弟』。」

至於片中扮演「鏢后」的劉心悠則表示，獲導演安排教練為她特訓，她學習半小時就已上陣拍攝，更兩次掟中紅心，心悠笑說：「中到已經好勁喇，戲入面我同柏豪係夫妻關係，不過未拍之前我完全唔知道飛鏢咁盛行，所以我以後除咗打保齡之外，得閒都可以去玩吓飛鏢，因為真係好好玩。」

何佩瑜、Kabby與現場觀眾玩遊戲。

劉心悠發現飛鏢樂趣，學習半小時便能兩次掟中紅心。

另外，獲選參與拍攝周星馳新片《美人魚》的Kabby透露，劇組已經開始拍攝，她說：「前幾日已經入咗組，開咗幾日工，不過角色就好神秘，劇組都唔想公佈住，暫時我都未做魚，不過食飯就有魚。」她又笑說：「我都未係好知我角色做乜，星爺好有大前輩嘅氣場，佢都有叫我好好準備。」

採訪、攝影：藍文浩
from:http://hk.apple.nextmedia ... 141130/18952562