鍾嘉欣水著開P 陳展鵬奉陪

1^# 大中小 young 發表於 2014-9-14 17:23 發短消息

鍾嘉欣為孭飛的劇集《大藥坊》宣傳，揚言劇集平均收視有三十多點，她會穿懷舊高衩泳衣舉行poolside party 慶功，陳展鵬也表示會奉陪到底以三角泳褲出席派對。

陳展鵬讚成嘉欣開池畔派對，並謂到時會著三角泳褲示人。

無線劇集《大藥坊》演員鍾嘉欣、陳展鵬、唐詩詠、高海寧等昨日到荃灣一個中草藥園為劇集宣傳。鍾嘉欣希望劇集收視平均有三十多點，重回未有互聯網時期的收視水平，她笑說：「如果有三十幾點平均收視，我會搞番個poolside party，著懷舊一件頭高衩泳衣慶功。」嘉欣被問到則過去的中秋節是否與伍允龍一齊賞月？她不願透露。講到劇中主角黃浩然的病情，嘉欣希望他早日康復，大讚他是好仔。

陳展鵬（左起）、唐詩詠、鍾嘉欣、高可寧、程可為等為《大藥坊》造勢。

《張保仔》玩冰火
陳展鵬坦言收視好亦不介意穿三角泳褲亮相池畔派對，因近期忙拍新劇《張保仔》而被迫「焗弗」，他說：「因為浩然病咗辭演《張》劇，依家先拍曬我啲戲份，開工日接夜，每日曬足十個鐘，雖然冇暈低，但體力下降得好快，開工第二日已有幾個臨時演員暈咗，我都瘦咗四、五磅。劇集十一月去上海拍外景應該落緊雪，套劇真係好似玩冰火咁，我就嚟頂唔住喇，希望洪永城快啲開工啦。」他又稱不理會劇集收視，免分心影響工作。

詩詠拒著三點式
而唐詩詠被問到可會穿三點式出席池畔派對，她笑說：「留番畀鍾嘉欣，我著兩件頭泳衣得喇。」詩詠近日被拍得與男士約會，她說：「佢係我識咗十幾年嘅朋友，佢已經唔係單身，我哋冇機會發展。」

採訪：影視組
From:http://orientaldaily.on.c ... /00282_028.html

廷伸閱讀/相關主題推介:

相關主題:鍾嘉欣陳展鵬

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2014-9-18 12:25 發短消息

鍾嘉欣甜蜜為伍允龍慶生

武打演員伍允龍雖然一直與鍾嘉欣玩地下情，但早前鍾嘉欣生日會他以「男主人」身份滿場飛，而前日伍允龍37歲牛一，他也邀請嘉欣做其生日會的「女主人」，與大班朋友齊齊慶生。

伍允龍開生日派對，鍾嘉欣以「女主人」身份出席。

伍允龍昨日還在微博高調晒合照，只見嘉欣企在男友身旁，笑到見牙唔見眼，難怪伍允龍即豎起拇指讚好。記者致電伍允龍，對於嘉欣為他慶生儼如女主人，他說：「張相明顯係合照，當時左右都係人啦！」問生日願望是否結婚？他說：「如果結婚一定畀大家知道，依家未去嗰個階段，想保持私隱！」
from:http://orientaldaily.on.c ... /00282_014.html

TOP

3^# 大中小 young 發表於 2014-9-19 18:09 發短消息

鍾嘉欣勢奪影后

無綫花旦鍾嘉欣擔正新劇《大藥坊》，演技更趨成熟，她更自爆今次是成為「視后」的good timing！雖被父母催婚，但她卻直認難忘於劇中與陳展鵬落水激吻，原因是她要被迫「斷髮」。

被父母催婚的Linda想等perfect timing。

鍾嘉欣（Linda）近期於無綫劇集《大藥坊》扮演民初女醫師，Linda自爆劇情以女主角主導，是勇奪「視后」的好時機！她謂：「我入行十年，今次對自己有信心（奪視后），都應該係good timing！不過唔會刻意畀自己太大壓力，之前每一年都攞唔到獎反而令我贏咗成熟！之前壓力大到皮膚出晒濕疹，我就問點解要摧殘自己，所以依家唔會掂唔開心嘅嘢！」Linda又興奮大爆為該劇片尾曲《大愛》作曲：「第一次為無綫劇作曲。（想長作長有？）係呀！我好多（存）貨！」談到愛情，她坦言不愛向大眾交代感情事，又大呻被父母催婚：「想等自己的perfect timing，但父母想我快啲嫁人生仔。因為家姐生咗BB，佢哋好想我生多個孫畀佢哋！」

難忘激吻斷髮
問到拍攝的難忘場景，驚水的Linda直指劇中一場與拍檔陳展鵬的落水接吻戲份。豈知Linda的難忘之處竟不在於水底激吻，反而是她的頭髮：「落水十幾個鐘令尼龍做的假髮頭套收縮，結果卡實咗我啲真頭髮！收工後拆假髮拆足兩個鐘，我驚到不停狂嗌！全部人攞hand cream唧落我個頭，想梳番順啲頭髮，但最後都要剪，搞到啲頭髮斷晒！」

Linda自言入行十年，今年是奪「視后」好時機！

怕水的Linda為演無綫劇集《大藥坊》，勇敢落水兼犧牲秀髮。

文：影視組
From:http://orientaldaily.on.c ... /00282_046.html

TOP