日模松岡李那（Linah）早前以瑜伽、和服look拍廣告，大騷纖腰及事業線，平日最愛做瑜伽的她，直言有向緋聞男友林德信（Alex）偷師，更獲對方讚身材fit爆兼靚女！
松岡李那擺出高難度甫士，令人眼前一亮。
日模松岡李那（Linah）早前為「樋屋萬壽葉野草酵素」拍廣告，換上和服及露肩白裙等多個造型，其後更穿上性感背心瑜伽服，大騷事業線及小蠻腰，相當誘人。問她有否特別的減肥方法？她即賣口乖說：「除咗戒食糖、碳水化合物外，平日會飲健康飲品嚟修身，仲有養顏同幫助消化嘅功效！」
臀要豐肌肉要結實
Linah又自言從不太在意體重，平日會勤做運動，尤其愛練瑜伽，問到有否向緋聞男友林德信（Alex）學習？她笑謂：「佢教得好好。（有教你？）係呀，有時會教嚇我。（讚過你叻？）梗係啦，我好叻o架，佢仲讚我好柔軟添。」至於Alex可有大讚她身材正？Linah即尷尬笑道：「可能吧，我唔知道呀。（讚你靚？）通常佢啲評語都好正面。」不過，Linah對自己的身材還未很滿意，希望臀部更豐滿、肌肉更結實。
換上多個造型示人的松岡，在拍攝現場表現專業。
林德信
狂爆瘡寧可做宅女
相比體重，Linah更在意自己的膚質，並自爆初來港發展時一臉暗瘡：「啱啱嚟到香港嗰陣，因為天氣轉變嘅關係，塊面生曬暗瘡，當時都幾唔開心又冇曬自信，直頭唔想出街見人，連啲廣告客戶見到都嚇親。」她指4年後終於適應了香港的環境，加上喝了健康飲品，皮膚也變得白白滑滑。
松岡李那對於自己的表現十分緊張，經常一拍完便看playback。
松岡李那以和服look上陣拍攝，大騷東瀛味道。
文：影視組
From:
http://orientaldaily.on.c ... /00282_061.html
