傅穎（Theresa）昨日在深水埗為一本男性雜誌選出香港賽區Cool Guy，10位男士在台上施展渾身解數曬肌肉、打功夫兼唱歌表演已經是必定動作，不過仍不及穿上黑色tube top配透視褲，比之前又「變靚」了的Theresa搶鏡！
被指再度「變靚」
在評選期間，Theresa對其中一位來自韓國的男仔特別有好感，她用韓文問對方覺得她是否靚女？韓男先後以韓文和半鹹淡的廣東話讚她，搞到台下的Theresa冧爆！經過一輪評選後，結果由現年22歲、報稱是藝人的徐永燊（Victor），以大熱姿態得到「香港區冠軍」兼獲「人氣王大獎」，「腹肌王」則由現年23歲、任健身管理的雙子撒卡獲得。負責頒獎的Theresa雖然攞正牌去摸腹肌，不過一臉尷尬的她，最後借用了得獎者隻手隔住，按在對方腹肌上。
性感上陣的Theresa，她稱減掉了10磅肉，所以要曬一曬成果。
又「變靚」的Theresa再三否認整容，堅稱是化妝技巧！
參賽者赤膊曬肌仍不及性感又「變靚」的Theresa搶鏡！
被指又再「變靚」的Theresa說：「每次化妝唔同，每張相都話整容，我整得幾多次，我一直喺內地開工，一笑置之啦，咁多年嚟有唔開心，講極大家都咁講，惟有睇開啲，冇法啦！」見到台上的型男身形大隻，有點像前男友羅仲謙，她表示自己對肌肉男沒有特別喜好，反而甜絲絲稱喜歡sweet guy。笑問她的感情是否有著落？Theresa扭擰地說：「唔講啦，𠵱家享受嚇單身先，呢個年代唔介意閃婚㗎，等我有先同大家講啦！」
採訪：卓寶花
攝影：陳俊強
From:
http://hk.apple.nextmedia ... 140811/18827745
