何佩瑜Jeana遭小三騷擾，精神崩潰

影星何佩瑜（Jeana）於新片內化身「猛虎」，向人夫姜皓文張牙舞爪，誓要將之「私有化」。靚女不諱言角色與現實中的人生觀大相逕庭，她更反過來自爆曾遭小三蓄意騷擾，精神狀態幾近崩潰邊緣！

Jeana於新戲中演小三，施展渾身解數，「反客為主」擊退人妻。

Jeana剛於馬來西亞拍畢電影《辣警霸王花》，甫返港即再投入另一新片《小姐誘心》的拍攝工作。戲中Jeana與姜皓文及莊思敏上演「三角錯」，扮演小三的她施展渾身解數，「反客為主」擊退人妻莊思敏：「導演同我講，要演得好似隻老虎咁，好有野心，對住黑哥（姜皓文）張牙舞爪，都幾考演技。（現實生活有冇試過三角戀？）前度試過遇番上任女友，對方不斷咁打電話，同傳短訊畀佢。雖然最終我哋嘅分開唔係因呢件事，但當時我真係好唔開心。我本身信佛，凡事都先會企喺人哋立場諗，唔會做傷害人嘅事。」

同香香欣宜做老友
馬來西亞拍戲期間，Jeana天天於猛烈陽光下「體力勞動」，難怪被她視為「入行以來最辛苦的一次」﹕「劇組仲申請去當地國防部軍營取景，但必須限時限刻，嗰幾日我哋凌晨就開工，每日做足十幾粒鐘，到後嚟連監製都肉赤我哋，主動放咗大家一日假。」今次「全女班」合作，卻又出奇地愉快，Jeana直言與岑麗香及鄭欣宜（Joyce）等成為好友，對於雜誌指她們不和，靚女即謂：「大家不知幾開心，Joyce仲係眾人開心果添，傳（不和）呢啲嘢好奇怪囉。」

Jeana為電影主動增肥16磅。

Jeana自言「全女班」合作，friend過打band。

是次為投入角色，她主動增肥16磅，不過其後拍《小姐誘心》卻要減肥，令身體出現毛病，連月經也沒來。

攝﹕李柏儒

場地﹕Bit Point@Lai Kwai Fong

文﹕影視組
From:http://orientaldaily.on.c ... /00282_033.html

性感女模何佩瑜（Jeana）以三點式上陣，為澳門新濠天地Hard Rock酒店「狂熱SPLASH池畔派對」任特別嘉賓，身材出眾的她，原來今年尚未進行「下水禮」，難怪一眾Fans等到頸都長，派對期間更有外籍男士借故親近，令Jeana受寵若驚。

何佩瑜比堅尼登場，索爆騷身材。

Jeana獲澳門新濠天地邀請出席「狂熱SPLASH池畔派對」，比堅尼上陣的她狀態大勇，無論玩自拍、歎夏日特飲、玩沙灘波，抑或隨現場DJ打碟聞歌起舞，Jeana所到之處吸引型男索女注視，有外籍男士更趁Jeana在泳池中陶醉忘形玩自拍時，借機親近，令Jeana受寵若驚。

比堅尼頭炮
Jeana大讚池畔派對氣氛一流說：「我只係去過新加坡嘅Poolside party，澳門都係第一次，好多謝大會邀請我參加呢個大型夏日盛會，我都好開心，因為近排忙拍戲，夜晚出沒多，冇乜點見陽光，但我好鍾意陽光㗎，雖然今年都去咗一次沙灘，但唔係着比堅尼，而且只係去曬下太陽，我今年仲未落水，未行下水禮，今次呢個活動真係好啱我，我好鍾意！」

何佩瑜濕身玩自拍，吸引外籍男士借故親近。

何佩瑜與型男索女現身池畔派對。

Jeana在池畔派對滿場飛，儼如派對女王，她說：「我好鍾意Poolside party嘅氣氛，有好多DJ、音樂人喺現場，成個氣氛都好開心，大會下午就開始畀人入場，咁早就可以happy hour，正！以前我嚟親澳門都係為工作，做完嘢就走，但今次好enjoy，玩到唔捨得走。」

文：影視組
From:http://orientaldaily.on.c ... /00282_020.html