向來行性感路線的何佩瑜（Jeana），原本有份演出夏雨監製的新片《鬼網》其中一個單元《二重身》，當中有大膽露背鏡頭。但有傳Jeana太麻煩扭擰，對露幾多有好多意見，電影公司不想為一個演員大改劇本，最終決定飛起Jeana，改由港視前藝人蔣祖曼（Joman）頂上，由𡃁模變阿媽級半裸，十分重口味！
蔣祖曼曾在港視劇《大眾情性》中，與陳柏宇有親密合作。
Jeana：聽過撞咗期
Jeana昨日在電話中未有正面回應，只說：「好似係聽過，撞咗期，遲啲我要返北京同去東京拍一個網劇。」是否不想性感演出？她說：「要睇番劇本，如果有機會都想再合作。」反而Joman大方表示不介意執二攤，她說：「對我嚟講，我同佢係好唔同類型嘅演員，就算演同一個角色都會有唔同感覺，有得頂仲幾開心㖭。」
Joman透露今次導演是港視前導演黃國輝，早前已圍讀劇本，大家相處融洽，她說：「我都知戲裡面係要有露背，暫時知道尺度要著底衫褲，我都OK。我成日覺得對手唔尷尬我係容易啲去做，我對手喺張建聲，佢身經百戰啦，我反而驚佢對開身材好犀利嘅女仔，對住我呢種有唔同感覺。其實我為藝術一路都幾赤裸㗎，劇情需要唔介意。」
Jeana原本有份演的露背戲，對手是有過合作的張建聲。資料圖片
Jumbo在新戲中因為太多嘴被縫口，造型恐怖！
這個單元故事另一主角許雅婷（Kabby）表示不清楚師姐Jeana被飛，她說：「我都係顧掂自己，冇理其他人嘢，下周就出發去馬拉拍攝。」而另一單元《冤有頭》已經開拍中，曾淑雅（Jumbo）在戲中因為太多嘴被扣針縫口，造型十分恐怖！
採訪：嵐山
from:
http://hk.apple.nextmedia.com/entertainment/art/20160523/19623192
