現正趕拍《導火新聞線》電影版的何佩瑜（Jeana），早前趁未開戲前，相約一班老友到峇里旅行，乘機叉叉電。由於Jeana所住的度假屋，距離附近出名的黑沙灘只需一分鐘路程，因此Jeana可以盡情享受黑沙浴，她說：「我係第一次見黑色沙灘，成個灘都係黑色礦物沙，搞到我成身烏卒卒，好得意！」
在峇里叉足電的Jeana，無懼在水中素顏selfie。
耳仔好痛
由於峇里是潛水勝地，Jeana亦跟老友「柴娃娃」一齊跳落水，但卻因此嚇餐死：「今次係我第二次潛水，但都已經有8年冇玩過，基本上唔係好識，今次潛水落到4、5米時，耳仔好痛，當潛到大約10米嘅時候，我好驚、好緊張，跟住不停做番啲減壓嘅嘢，但耳仔都紅曬！我即刻衝番上水面，嗰時我腦裡面就諗到『欺山莫欺水』呢句說話。之後慢慢調節呼吸，再落水就好好多，習慣點呼吸嘅時候，就開始擺嚇甫士，又餵麵包畀啲魚食，覺得好似同啲魚仔一齊游水咁，𠵱家我都想喺香港考番個潛水牌！」
撰文：王梓嫚
from:
http://hk.apple.nextmedia ... 151223/19422403
