王菀之獲老闆林建岳驚喜現身祝賀連奪兩獎。
王菀之憑《金雞sss》連中兩元獲金像獎最佳新演員及女配角獎，前晚她先在尖沙嘴出席吳君如的慶功宴，再赴寰亞唱片公司特設的驚喜派對，老闆林建岳現身祝賀。菀之開香檳與同事分享喜悅，她說：「好開心，同男友、屋企人傾完電話嚟，好耐冇見過老闆，有一家團聚感覺。希望老闆支持我拍啲藝術電影。」下一步是否向影后進發？她說：「唔敢諗咁遠，已經咁多獎，今晚都怕會瞓唔着，𠵱家個感覺好複雜，好多嘢諗，因為我作為歌手，但攞咗個電影獎。」
爆男友更激動
菀之自爆男友蘇卓航（Eric）好開心激動，自己都想男友盡快摸到兩個獎座。此外，有20多名粉絲在慶功宴外等候，並送上雞翼、魚蛋、香蕉及朱古力奶四寶給她作禮物，她笑說：「希望有一日影迷轉晒做歌迷，鍾意睇我戲嘅人都鍾意聽我啲歌。」
採訪：張俊銘、溫敏芝
攝影：陳俊強、仇志德
from:
http://hk.apple.nextmedia ... 150421/19119371
