何傲兒和周子揚日前因被本報拍下車廂激咀，其後周子揚承認「兒子戀」，還對女友讚不絕口。不過昨日有週刊報導指，周子揚的感情狀況「七國咁亂」，事關他早前找趙哲妤拍MV，雖然聲稱兩人只是好友，不過趙哲妤被問「兒子戀」的時候，口快快說「有人搶我條仔」，接著更暗寸有人借激咀做宣傳博出位，還稱與周子揚屬青梅竹馬，與雙方家長見過面。
「希望佢尊重人哋」
昨日向周子揚求證此事，他直言與趙哲妤從來只是普通朋友，並說：「我哋只不過係識咗幾年，好奇怪同好突然佢會咁講，好似講到我好花心劈腿，傲兒又好拜金，唔係囉，我只係搵佢拍MV，其他唔係事實，希望佢尊重人哋，佢冇資格講我同傲兒，我又冇追過佢，亦都冇開始過，作為普通朋友，唔應該咁樣講人哋！」提到見家長，他續說：「梗係冇喇，只不過係佢想買樓，我哋做地產嘅，咪畀啲意見佢！」身在馬尼拉工作的趙哲妤，昨日亦透過WhatsApp回應此事，她否認與周子揚拍拖，並說：「我哋只係喺MV入面拍過拖，只係朋友，冇發展空間，唔明點解會有人咁寫！」
周子揚與何傲兒拍拖不久，但已即傳男方與趙哲妤拍拖，認真複雜。
資料圖片
周子揚因被本報拍下車廂激咀而令兒子戀曝光。資料圖片
此外，「大少」林建名孻女林煒珽昨晚在中環出席時裝活動，提到父親早前為何傲兒當眾落淚，她笑言：「我喺現場，唔係喊，係畀閃光燈閃親。」對於何傲兒與周子揚拍拖一事，她表示：「佢哋拍咗拖好耐，傲兒之前有同我講過。」有指何傲兒專識有錢人，她表示：「應該唔係啩，我冇見過呢樣嘢。」
採訪：羅慧敏
From:
http://hk.apple.nextmedia.com/entertainment/art/20140731/18816946
