小三現象成城中熱話，性感女星何佩瑜（Jeana）於新戲中以小三姿態姣擒姜皓文（黑仔），前日二人拍情慾車震戲，Jeana向黑仔大送波餅，再轉由黑仔採取主動，期間見Jeana伸頭出車窗激叫，事後熱得全身濕透的他們要吃西瓜急下火！
短裙露美腿的Jeana大啖吃西瓜。
專攻愛情片小品的葉念琛監製新戲《小姐誘心》題材滲入社會近年激增的小三現象，找來緋聞女友莊思敏（Jacquelin）、何佩瑜、姜皓文（黑仔）、劉心悠和周柏豪等分別演出兩個故事。前者Jacquelin、Jeana和黑仔所演的三角關係，是都巿夫婦少溝通而出現小三的典型故事。
姣擒送波餅
前日拍攝Jeana與黑仔於車廂偷情的車震戲，Jeana先姣擒黑仔兼送波餅，再轉由黑仔採取主動，Jeana交足戲拗腰七情上面，又伸頭出車窗呻吟大叫，二人大戰後全身濕透，熱爆的黑仔連頭髮都「動L」，監製葉念琛見狀，即買來西瓜給他們下火降溫，Jacquelin則前來探班打氣。
Jeana向姜皓文送波餅。
姜皓文與Jeana車廂激戰，七情上面。
Jeana事後受訪稱要主動姣擒黑仔不比葉念琛掫揄肥了一個碼尷尬，她說：「我用兩個星期減咗十六磅，回覆狀態啦！其實我同黑哥之前合作港台劇都做佢情婦，今次咪當再續前緣！（車震戲好激？）得個熱字，不過都幾好玩，可能我哋兩個都高大，喺車廂中拍啲滾動動作，撞傷曬啲手、腳，其中一個位爭啲撞崩牙！」之前拍慣動作戲的硬漢黑仔，今次突破拍情慾戲，他坦言辛苦過演打戲：「好彩對手好專業。（向老婆備案？）有講，但佢話唔會睇！」
葉念琛首次監製電影，事事親力親為。
莊思敏前來探班，大騷白滑長腿。
另外，葉念琛昨日出席電影導賞活動，他稱首次為《小》片擔任監製，既要睇數又要找投資者及演員，問做監製是否很辛苦？他說：「唔係，人大咗都要開始呢一步。」並謂日後會多與新導演合作，十月則與張智霖合拍電影《千億惡魔愛上我》。
文：影視組
From:
http://orientaldaily.on.cc/cnt/e ...0722/00282_020.html
