不經不覺，網民女神Ella官恩娜已經出道十年，踏入35歲，Ella仍然像個「大細路」，更笑言因為貪玩的性格，令不少人估她只有28、29歲。不但內在心境年輕，Ella更大膽做肌齡測試，結果肌膚只有27歲，力證外在內在都一樣年輕！
感情生活穩定、與外籍醫生男友拍拖四年的Ella，經常被人追問何時嫁得出，她笑言順其自然，並希望男友求婚可以簡單而浪漫，直言不要surprise party，「唔好喺百幾人面前話：『你嫁畀我啦！』我諗我會嚇親！」
十年的星路歷程，Ella在歌、影、視三方面都有豐富經驗，然而，有一種角色仍未遇到，「睇過一部電影，有個角色由後生演到老，我覺得挑戰性好高，無論係身體嘅姿態、表情都要配合得好好，仲要跟住個角色成長，我覺得好好玩！」Ella一點都不介意飾演老婆婆，更認為女人的年齡根本不是秘密，「做女人最緊要有自信，增值自己嘅內涵就Ok。」
Ella肌齡只有27歲！
秘密原來係用神仙水。
Ella話護膚好緊要，唔可以懶！
除了有內涵，Ella更有美貌！自信爆棚的她大無畏地接受肌齡測試，「我好多朋友都試過用呢部機，我係有備而嚟嘅，一啲都唔驚！」果然，Ella的肌齡指數隻有27歲，相比100位的同年齡女性，她是排第17！比實際年齡年輕八年之多。Ella指秘訣在於要懂得找適合自己的護膚產品，認為做女人不可以懶，一定要保養，還要注重均衡飲食，不要曝曬和要睡眠充足。
Ella提到自己為此測試是有備而來，但否認前一晚臨急抱佛腳敷mask，反而是準備了十幾年，「我好細個就開始護膚，日日都用神仙水按摩塊面，護膚之餘仲幫到臉部血液循環得好啲，睇落咪精神啲囉！」女神果然是女神，連護膚專家Ivy都大讚她護膚有道，「唔好以為20歲青春無敵，其實20歲就係我哋嘅黃金修護期，及早護理肌膚就會keep住靚。有項研究指20至30歲華人嘅肌膚，比歐洲人嘅老化速度快啲，如果唔keep嘅話，色素、斑紋就會出曬嚟。」
特約報導
From:
http://hk.apple.nextmedia ... 140722/18807686
