王菀之做Sales賣二手衫

1^# 大中小 young 發表於 2014-7-7 00:09 發短消息

相關主題: 王菀之

王菀之售賣拍戲與MV時穿過的二手衫。

王菀之（Ivana）借了朋友位於尖沙嘴的時裝店寄賣二手衫，昨日她在店舖內舉行宣傳活動，Ivana說：「只會賣5日，啲衫拍戲同拍MV時著過，唔會set到個價好高，唔想俾人感覺我係想賺一筆，已經做咗大半日售貨員，有個客買時我又唔捨得賣，自己都覺得好搞笑。」

所賣物品中有幾隻戒指，原來是她男友Eric So的私伙，她說：「我問佢拎嚟賣，同一款佢都有多過一隻。」問到男友有否送她獨一無二的禮物？Ivana自誇說：「佢自己個人囉！」此外，謝安琪日前推出新歌被網民指是騎劫政治做宣傳，宿敵容祖兒即借勢踏多腳，Ivana坦言兩個都是朋友，手背皆是肉，只可說各有立場，大家應互相尊重。
from:http://hk.apple.nextmedia ... 140706/18789694

廷伸閱讀/相關主題推介:

相關主題:王菀之

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2014-7-7 00:39 發短消息

王菀之孖蝦頭跳雙渠舞

歌手王菀之（Ivana）及楊詩敏（蝦頭）等前晚錄無綫節目《Sunday扮嘢王》首集，蝦頭扮演「矇豬眼Ivana」搞笑唱出改編歌曲。對於蝦頭的誇張打扮，擔任評判的Ivana笑言心情複雜：「我會用氣場壓住緊張，蝦頭係我嘅戲劇老師，佢連耳仔都有戲，直頭（戲）滲到骨子裏。」蝦頭搞笑自爆：「我冇跳鋼管舞，瘦唔切。佢係Ivana（音譯二番娜），我就係『一番娜』。我會跳水渠舞，條管似足水渠咁粗。」Ivana即提議下次開演唱會可與她蝦頭跳「雙渠舞」。

蝦頭（右）搞笑扮王菀之唱改編歌。
from:http://orientaldaily.on.c ... /00282_017.html

TOP

3^# 大中小 young 發表於 2014-7-27 19:14 發短消息

王菀之衰黐身一年情轉淡

歌手王菀之（Ivana）被爆去年中主動出擊溝掂「Figure王」Eric So（蘇卓航），二人撻着不久後，「進擊之Ivana」更成功攻佔男友愛巢，在九龍城共賦同居。關係公開後，一對小情人愈愛愈高調，Ivana早前開演唱會更找來男友設計紀念品，被視為「愛情結晶」。

王菀之愛情至上，拍拖冇耐即與男友同居。

偷睇手機
本以為他們打風都打唔甩，誰知拍拖近一年後，雙方關係起暗湧，據知這一年以來，Ivana改不掉進取性格，不時化身「之」蛛精，布下天羅地網黐實男友。除了要求對方「on call 36小時」全方位報到外，更會偷偷檢查男友手機，禁絕異性埋身，因此令Eric有所不滿。

Eric不滿女友管得太嚴，感情起暗湧。

憑歌寄意
Eric有次終於忍不住向Ivana發火，嫌女友似十足貼身藥膏，二人鬧大交後，Ivana決定執行李搬離愛巢。雖然出動到扭計返娘家這一招，可是Eric卻無動於衷，愈諗愈不忿的Ivana最終主動向男友示好破鏡重圓，早前出席活動時更大晒恩愛，笑稱與男友已融為一體，但據悉今次鬧分手後，Eric已對Ivana冷淡不少，關係大不如前了。另外，最應景是Ivana最新派台歌叫《不再說分手》，相信是憑歌寄意，希望與男友減少拗撬。

文：音樂組
From:http://orientaldaily.on.c ... /00282_025.html

TOP