名模周汶錡（Kathy）為慶祝五月二十日40歲生日，本週一晚（五月十九日）於夜店舉行七十年代懷舊P，廣邀鐵腳蒲友包括鍾鎮濤、范姜、伍姑娘、蔡一智等，扮鬼扮馬齊齊慶祝。主人家兼壽星女Kathy，更以deep V深坑襯爆炸頭，同法籍老公的豹紋look襯到絕現身。
配合主題婚後養尊處優食肥等生仔的周汶錡，本週一晚在薄扶林道一間門口掛著乒乓球用品店招牌的夜店舉行生日P，為隆重其事迎接人生第一個四字頭，向來鍾情復古打扮的她，預早通知各方好友，要以七十年代打扮到場。
接近八點半，在中環髮型屋扮完靚的Kathy，著住deep V珠片長裙，跟豹紋look的法國老公Julien Lepeu孖住落生日會場打點，未幾，一班好友陸續現身，包括蒲場鐵腳蔡一智夫婦、伍詠薇夫婦以及鍾鎮濤夫婦，全部悉心打扮，當中蔡一智太太周雪芳，更戴上金色假髮、襯拖地吊帶長裙出現，配合老友的生日主題。
近日受潮人熱捧、hit爆的「Ping Pong」，裝修設計都十分70's。
周汶錡將出發去生日P的靚樣相放上instagram。
生日P的邀請卡，亦好有七十年代風格。
發酒瘟至於名模代表，有琦琦、帶住囝囝同老公現身的歐陽妙芝以及黃佩霞，而近年再度活躍ball場的薛芷倫，亦以緊身黑衫夾胸到賀，場面熱鬧。
「除咗Kathy班friend，入面有唔少係Julien嘅外籍朋友，雖然大家都唔熟，不過講嚇懷舊扮嘢經，好快已經打成一片，個個仲爭住灌壽星女，搞到Kathy飲咗好多香檳。」知情者說。
壽星女蒲慣劈慣，來到賀前已經high爆的上山詩鈉，玩到凌晨一點走人，已經醉到飄住行，沿途要扶實高大男友人。
不過走到出路口，上山突然發酒瘟揈開男友，二人在街頭擾攘了一輪，上山拖番實男友人，齊齊截的士離去。
阿B、范姜都係玩得之人，要兩公婆作四十年前打扮，冇難度。
蔡一智夫婦跟周汶錡好friend，兩對couple都會去對方party捧場。
薛芷倫自從恢復健康後，又再成為蒲場常客，是夜作七十年代主題，昔日ball後應付自如。
公關鄭紹康又再以李小龍打扮出現，擺明要搶鏡。
伍詠薇知道壽星女鍾意飲香檳，老公練海棠特登帶住香檳去賀壽。
黃佩霞甫落車，見到大家都係復古look，即時笑曬。
壽星女當晚收到多袋禮物，其間由朋友先行拎走放上車。
琦琦跟歐陽妙芝未到十二點等埋切蛋糕已經走人，事關妙芝個仔第二朝要返學，早走著數。
揈手當晚戴爆炸假髮的上山詩納同高大新歡在街頭玩大龍鳳，兩人鬧完交，被男友氹番的她，又拖住手一齊走。
面左左
氹番
懷舊人周汶錡跟法籍有米老公Julien Lepeu於一二年九月，在法國香水古城Grasse行禮，翌年一月再在香港的中國會補擺婚宴，當晚新娘子同樣要求來賓以二十年代打扮到場，劉嘉玲、關之琳以及琦琦通通以古典美人look現身。
撰文、
