周汶錡「人奶唔夠飽」言論被轟道歉

1^# 大中小 young 發表於 2015-8-15 09:54 發短消息

相關主題: 周汶錡

周汶錡（Kathy）上月誕下混血B仔Jacques，日前弗爆復出提及準備轉餵奶粉，及發表「人奶唔夠飽」言論，即惹來大批餵哺母乳的媽咪猛烈批評，更到她的facebook留言表達不滿。有網友指Kathy作為公眾人物應慎言：「其實餵人奶，『他不飽』係一個非常非常錯誤的訊息！會間接影響新手母乳媽媽行『母乳路』的堅持與信念！」、「母乳唔會餵唔飽B，只在乎你有冇心畀最好的畀B！」

周汶錡在fb回應網民指責及致歉。

Kathy昨日在fb留言解釋及致歉：「其實我的意思，不是想表達餵母乳會令BB不飽，是因我自己母乳不太夠，只是擔心BB會不足夠，所以會混合了奶粉！我也十分支持餵哺母乳。」
from:http://hk.apple.nextmedia.com/entertainment/art/20150809/19248443

廷伸閱讀/相關主題推介:

相關主題:周汶錡

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2015-8-22 09:28 發短消息

周汶錡揀名方便鬧仔

周汶錡幫囝囝改名，好着重發音。

榮升做靚媽的名模周汶錡（Kathy）昨日於尖沙嘴出席鞋履品牌活動，其子Jacques剛起了中文名叫雷棨宇，Kathy笑說：「搵相士改，有幾個揀，呢個發音鬧佢時會強啲。發音好緊要，都配返佢性格。」Kathy希望調理好身體後再生BB，之後便可收工封肚。

Kathy日前於Instagram上載了用小水泡套着囝囝頸部浸水的相片，她說：「唔係正規游水，喺屋企浴缸玩吓，好安全。」談到早前她的一句「餵人奶唔飽」論，遭網民批評，Kathy說：「每個媽咪都緊張，自己講錯嘢都say sorry，呢個只係自己少少分享，我好驚呀，放過我啦。」

採訪：羅慧敏
攝影：陳慧安
from:http://hk.apple.nextmedia ... 150818/19259444

TOP

3^# 大中小 young 發表於 2015-9-3 11:40 發短消息

周汶錡冧仔老公失勢

周汶錡的電話桌布，已由囝囝的照片取代。

周汶錡、雷頌德和鄭麗莎昨日在鑽石山擔任兒童表演比賽的評判，周汶錡因工作未能與丈夫及兒子郊遊，她又謂不打算為兒子辦百日宴，她說：「佢𠵱家會眼仔睩睩成日笑，開始認人。」周汶錡經常為愛兒影相，電話桌布由丈夫換上兒子照，她笑說：「好耐都唔係老公相，個仔一出世已經唔係。」同時間她亦正調理身體，準備造人追女。

另外，雷頌德已有三個兒子，不打算追女，他說：「仔都方便，細仔都好嗲我，見到又攬又要抱。」正籌備陳慧琳演唱會的他，沒打算效法對方讓兒子上台表演，問他是否不想讓兒子們曝光，他說：「梗係啦！佢哋唔係做呢行。」

採訪、攝影：王連連
from:http://hk.apple.nextmedia ... 150830/19275160

TOP

4^# 大中小 young 發表於 2015-9-19 00:15 發短消息

周汶錡Cara靚媽鬥谷奶

周汶錡回復分娩前的纖瘦身形，還可以成功升cup。

周汶錡（Kathy）、Cara G.和楊千嬅前晚在澳門出席Burberry新店開幕，嘉賓全部都是靚媽一族，還保持一副好身材。Kathy中門大開現事業線，千嬅透視裙若隱若現，Cara G.酥胸半露，誕下細女Freija Rain Mcilroy餵人奶的她升cup到34D，她用英語說：「唔係好性感，只係個胸大咗，只係餵人奶，平時冇咁嘅效果。」Cara G.大爆老公不介意她是否胸大胸細，她說：「佢鍾意我懷孕時候，不過佢唔係太care我上面，佢會在意我下面。」

Kathy的身材明顯比之前更豐滿，她說：「唔係，係件衫剪裁好。件衫係嚟到先着，所以老公睇唔到，平時亦唔會投訴我着得性感。」妹妹周麗淇承認分手，Kathy有否安慰和鼓勵妹妹？她說：「冇哭訴，冇傾過，感情自己處理，呢一刻會寄情工作先，公佈單身就畀空間，唔會畀壓力佢。」

Cara G.因為細女出世後以母乳餵哺，所以升cup到34D。

（左起）楊千嬅、周柏豪和馬天佑到澳門出席Burberry新店開幕。

千嬅自嘲一條蕉

千嬅透視裙露黑色短褲，記者問她是不是滿月迎中秋，她搞笑話：「月亮有唔同形狀，我唔係full moon，我係一條蕉，不過呢啲好醜命生成。」千嬅直言曾有過葫蘆身形，她說：「試過，之前餵人奶嘅時候，唔餵就冇咗。」再懷孕便可重拾葫蘆身形，千嬅說：「唔試住喇！雖然我好支持餵母乳，為咗小朋友，有諗過幫個仔搵個伴，呢啲隨緣，唔可以有咁大壓力，今年唔會，問老公夾番啲年份好啲。」

採訪：王連連
攝影：沈健程
from:http://hk.apple.nextmedia ... 150913/19293483

TOP

5^# 大中小 young 發表於 2015-10-5 17:26 發短消息

周汶錡賀結婚三年感謝老公大晒幸福

現年41歲嘅周汶錡(Kathy)於2012年嫁畀法籍老公Julien Lepeu，Kathy今年生咗佢哋嘅愛情結晶品Jacques，不時放仔仔相上社交網，見B仔眼大大、鼻高高似足爹哋，難怪Kathy呻過自己喺屋企「失寵」，佢老公一返屋企就掛住同個仔玩!

Kathy噚日凌晨喺微博同instagram貼出佢同老公結婚當日嘅相，留言：「Happy anniversary my love.Thanks a lot for being such a loving husband and father!I love u and love our sweetheart.」原來係Kathy同老公結婚三周年，不忙感謝老公Julien!
from:http://hk.apple.nextmedia ... 150930/19314776

TOP

6^# 大中小 young 發表於 2015-10-20 23:40 發短消息

周汶錡囝囝瞓浴缸裸泳

周汶錡昨在微博公開老公及囝囝在浴缸玩水的相。

與Baby同樣因箍牙而曾被指整容、現年41歲的周汶錡（Kathy），今年7月為法籍老公Julien Lepeu產下混血B仔Jacques後，經常在網上晒囝囝相，昨日她又在微博公開囝囝出浴照，貼老公與B仔浴缸嬉水照片。相中所見Julien着住短褲坐在大浴缸，小心翼翼傍住囝囝浮水，手手腳腳如節瓜仔的Jacques不但不感害怕，更看似大爺般十分享受，不過Kathy都有在囝囝的重要部位打上鴨仔公仔遮掩。

周汶錡與老公Julien Lepeu
此外，剛為人母的官恩娜，本月初為法籍老公Juan-Domingo Maurellet誕下囝囝BéBéG（Gabriel-Antonio Maurellet），昨日她在fb上載薑醋照片感謝朋友和家人的祝福。

撰文：魯吉
from:http://hk.apple.nextmedia ... 151017/19336514

TOP