周汶錡女人40 老公勁「滾」

周汶錡（Kathy）前晚舉行一個70年代的生日派對，慶祝她踏入40歲之齡。Kathy扮作70年代荷里活女星，甚少扮嘢的老公Julien竟化身搖滾樂歌手，令壽星女心情high爆更瞓身趴上吧枱。

周汶錡開派對慶祝40歲生日，興奮到瞓上吧枱。

5月20日生日，俗稱「我愛你」，每年Kathy生日都會與眾同樂，年年舉行扮嘢派對。今年踏入40歲的她，前晚在一間懷舊裝潢的餐廳舉行以70年代為主題的扮嘢派對，原因70年代是她出生的年代，Kathy穿上一襲銀色閃片低胸裙，扮作70年代的荷里活明星，她說不少好友均落足心機打扮，差點認不出對方，尤其老公穿開胸恤衫露點扮rock友，令她嚇一大跳。

周汶錡與老公恩愛親嘴。

大班好友為周汶錡慶祝牛一，令壽星女開心不已。

伍詠薇（左）和黃佩霞以懷舊造型開P。

生仔順其自然
Kathy說：「佢平時唔肯扮嘢，所以佢肯扮已經好驚喜，之前都唔知佢會扮，雪芳（蔡一智太太周雪芳）嚟到時，我都認唔到佢，有個朋友扮李小龍，真係笑死我，我老公個妹妹同妹夫都黐曬鬍鬚，好好玩。」其他出席的好友包括名媛薛芷倫、阿B鍾鎮濤及其女友范姜、藝人伍詠薇與老公練海棠、名模琦琦、黃佩霞和歐陽妙芝等均，蔡一智排練完演唱會後仍趕來派對，令壽星女開心不已。

全晚心情高漲的Kathy，與老公咀個不停，又逐一與來賓抱抱，期間她high到瞓上吧枱。Kathy謂踏入40歲，會繼續開心，繼續漂亮，笑言開心就會靚，有一班好友陪伴她成長，已感到滿足，前晚盡興回歸，昨日正日生日的她則回娘家與媽咪及妹妹周麗淇靜靜在家中食飯慶祝。問到生日願望是否想做媽咪，她說：「生仔唔敢講，順其自然啦。」
from:http://orientaldaily.on.c ... /00282_034.html

東方報業集團全力發展新媒體，打造全球華人最新資訊網，旗艦網站《on.cc東網》時刻放送最新精彩猛料，提供新聞、財經、娛樂、體育及生活等資訊，包括《東方日報》、《太陽報》、《東方日報電子報》、《太陽報電子報》、《ontv東網電視》及即時新聞等，讀者可透過on.cc東網網站或安裝「東網電子刊物」App瀏覽！

周汶錡

周汶錡：「我一直有留意住東網嘅新聞，特別係泰國局勢，好緊張，因為我自己好鍾意去泰國！」

張致恒
張致恒為衞蘭加油
張致恒：「我鍾意睇東網，因為又快又新囉，我今日睇到衞蘭辣招甩30磅，嘩……如果佢甩到30磅嘅話，我都會拜佢為師，因為我都想甩30磅，同埋衞蘭都係我好朋友，見佢7分鐘跑28層樓，犀利，我會為你打氣加油，Yeah！」
from:http://orientaldaily.on.c ... /00282_030.html