黃翠如感激蕭正楠維護

1^# 大中小 young 發表於 2014-5-21 13:55 發短消息

黃翠如及蕭正楠爆出「翠蕭戀」後，負面新聞多籮籮，先係話黃翠如係小三，介入蕭正楠同何傲芝嘅戀情，跟住又話何傲芝拜金兼劈腿，總之好睇過啲宇宙膠劇！噚日黃翠如出席喺將軍澳舉行嘅世界盃活動，見到黃翠如仲笑得落，睇嚟呢排啲是非傳言冇影響佢嘅心情。

黃翠如坦言同蕭正楠有聯絡，感激佢嘅安慰。

冇計劃結婚

自稱係讀者嘅翠如BB，講到有報導話佢同蕭正楠秘密結婚，佢就話：「𠵱家嘅版本比我諗嘅豐富，每日都會follow劇情，不過就冇計劃過結婚，我唔係嗰啲有計劃嘅人。」翠如BB話冇諗過閃婚或者同居，𠵱家都係畀心機工作。但係有啲咁嘅新聞，有冇影響戀情先？翠如BB好坦言話有keep住聯絡，不過私人嘢就唔講住：「我想繼續一直以來好簡單嘅生活。」咁有傳情敵何傲芝其實已經另結馬主新歡？佢話：「人哋嘅嘢唔回應。」有高層撐嘅翠如BB仲話好感激每個錫自己嘅人，唔知蕭正楠又有冇安慰呢？佢就冇正面回應，只係話：「OK嘅，自己做呢行，當故事咁睇。」咁會唔會公開戀情呀？翠如BB話：「呢個問題好深。」至於會唔會因為蕭正楠嘅維護而加分？佢就笑住話：「我感激㗎！我感激㗎！」另一方面，對於週刊嘅報導話蕭正楠踢爆與舊愛分手嘅死因，佢喺微博留言話：「我完全不理解不知情亦從來沒有作過任何回應，祈求事情盡快告一段落！」
from:http://hk.apple.nextmedia ... 140521/18726774

廷伸閱讀/相關主題推介:

相關主題:黃翠如蕭正楠

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2014-5-21 14:03 發短消息

翠如尋開心冇諗閃婚

藝人黃翠如與黃心穎昨日於將軍澳寶琳出席「2014 FIFA 巴西世界盃特許零售精品店」開幕活動，近日因與蕭正楠傳緋聞而受盡困擾的翠如表示心情「還可以」，有報道指她將秘婚，她說：「自己都似讀者，每日follow劇情，依家版本比想像中豐富。」問她事件發生後，蕭正楠有否安慰她？她說：「OK啦，我都係做呢行，都明白，當故事咁睇。（微博傳情？）唔回應，（想結婚或閃婚？）冇諗過，依家想工作，工作上有未完成嘅任務！（發生事情令你哋行耐啲？）我想維持依家嘅生活，簡單啲，開心啲！」同場的心穎則稱如二人真的拍拖會祝福翠如：「每段感情都有風波，如果係真愛就可以克服。」

黃翠如（右）被爆戀事後獲高層曾勵珍力撐，她感謝疼錫她的人。

此外，昨有報道指蕭正楠被舊愛何傲芝當提款機，他於微博回應：「對於今天（昨天）的封面報道，我完全不理解不知情亦從來沒有作過任何回應，祈求事情盡快告一段落。」
from:http://orientaldaily.on.c ... /00282_010.html

TOP

3^# 大中小 young 發表於 2014-6-2 12:43 發短消息

翠如情迷蕭正楠跑姿

黃翠如昨晨出席鐵人賽擔任頒獎嘉賓，同場尚有組合EO2成員Eddie及Otto、狄易達等，翠如BB化身「萬人迷」，不時被參賽者集郵。翠如自爆體質差，求學時因有哮喘而不用上體育課，問男友蕭正楠是否運動健將？她靦腆答：「拍劇時見佢跑步都OK嘅。（約埋做運動？平時一齊做甚麼？）呢排佢拍劇少咗相處時間，再問我滴汗嘞。」她又指早前拍攝世界盃節目返港後，體重下跌7至8磅，目前要積極增肥。

黃翠如拍世界盃節目時瘦了8磅，現在要努力增肥。

近日忙於拍攝《殺破狼2》的Eddie今次玩命演出，經常偕拍檔吳京跳海跳樓，早前雙雙受傷。問有否向女友朱慧敏備案，他笑說：「冇話畀屋企人同朋友知，本嚟仲要去泰國外景，不過依家政局關係，我啲戲喺晒香港拍。」

（左起）Otto、Eddie、黃翠如和狄易達推廣鐵人賽。
from:http://orientaldaily.on.c ... /00282_009.html

TOP