王菀之苦練鋼管舞8個月變索爆舞女

王菀之前晚在紅館舉行「菀之論2014演唱會」，男友Eric So及多位圈中好友捧場，但戴賊仔帽的Eric全程低頭睇騷，事後發微博，寫道：「今晚經歷了，被天使的聲音引進天堂。」是否錯過了女友性感「趷籮fing胸」跳鋼管舞瞓身演出？竟然隻字不提。

王菀之擺脫乖女形象，穿上貼身deep V舞衣，台下觀眾罕有大叫：「好索呀！」穿上黑色高衩露腰舞衣的她，大跳鋼管舞，邊做凌空劈腿轉身等動作，邊唱《我好愛你》，技驚四座。之後還和十人組成的「天使合唱團」合唱，其父母也是合唱團成員。

王菀之跳鋼管舞瞓身演出，技驚四座。

王菀之超低胸露事業線大晒性感。

「自己肥到隻豬咁」

因為穿得性感，更易察覺菀之的胖，個唱上設有問答環節，有人問：「可以瘦一點嗎？」她答：「自己望住自己肥到隻豬咁嗰陣都好後悔，好想自己瘦啲，但減極都係咁，就會覺得點解我一定要減肥呢？」事後她受訪談到跳鋼管舞，技驚四座，王菀之說：「苦練咗8個月，起初係跟梁祖堯成班男仔朋友去學，佢哋第一堂做到嘅動作，我要學半年至做到。」但男友全程低頭？她維護說：「佢係咁低調，佢好斯文，鋼琴上有幅畫，係佢送畀我開演唱會禮物，我專登放喺台上面，睇住可以畀到勇氣我。」她表示大會發售的Tee是男友設計。問到男友有否覺得她太肥？菀之甜爆指男友從不認為她肥。
from:http://hk.apple.nextmedia.com/entertainment/art/20140519/18724512

王菀之前晚在紅館開騷，一反平日斯文形象由頭性感到尾，在台上拋胸擘髀大跳百老匯歌劇電暈觀眾，又穿上開腰性感泳衣姣跳鋼管舞，火辣磨柱後再換上超Deep V露出性感波邊，全晚性感無極限。

換上低胸晚裝的王菀之感動到喊。

王菀之（Ivana）前晚於紅館舉行《菀之論二零一四演唱會》，捧場嘉賓有容祖兒、楊千嬅、蘇永康、林夕、黃偉文等，男友Eric So則戴帽低調觀看。演唱會八時四十分開場，全場爆滿，身穿白色羽毛裝的Ivana以自彈自唱《我真的受傷了》揭開序幕，換上幾套性感服裝的她施展渾身解數，大跳百老匯歌劇和踢躂舞，最為吸睛的絕對是換上性感開腰泳衣大跳鋼管舞，做出多個高難度凌空動作，短短幾分鐘已讓觀眾拍爛手掌。

淚灑舞台
性感過後，Ivana又穿上粉紅色晚裝與父母在內的「天使合唱團」大合唱，並在下台後播出心底話。在最後Encore，戴上巨型羽毛帽的Ivana換上開到肚臍的Deep V長裙大露波邊重新出場，用微弱的聲線多謝觀眾：「做呢個演唱會唔容易，開演唱會都唔容易，好開心同你分享愉快嘅兩小時，希望你哋都覺得愉快。」期間感觸淚灑舞台，並以《好時辰》結束演唱會。

王菀之在演唱會穿上性感舞衣，大跳鋼管舞，十分養眼。

王菀之跳到拗晒腰，令觀眾拍爛手掌。

慶功宴訪問時，Ivana直言今次演唱會比上次肥一點，不過就多少少肌肉：「因為怕跳鋼管舞唔夠力，其實鋼管舞只係學咗八個月，初初學嘅時候跳完仲辛苦到想嘔。」又自爆男友送了一幅畫讓她擺在鋼琴旁，講到男友全程表現冷靜，Ivana依舊Sweet爆回應：「佢係咁o架，唔慣Rock and roll。」問到演唱會銷情，Ivana直言：「現場都滿晒，連Artist都自己買飛睇。」

王菀之男友Eric So低調捧場。

楊千嬅和容祖兒齊齊欣賞演唱會。
from:http://orientaldaily.on.c ... /00282_028.html