郭晉安求婚，攬啜萬綺雯

郭晉安（安仔）和萬綺雯（蚊蚊）前晚在金鐘拍攝無綫劇《老表，你好hea！》，劇情講述跌倒的蚊蚊獲男方錫手呵番，她又主動向對方送「肉嘴」。之後，成功當選立法會議員的安仔，向在背後支持他的蚊蚊下跪求婚，他更不惜大跳騎呢求婚舞，成功抱得美人歸後，興奮地托起女方自轉，場面sweet爆！

萬綺雯主動向郭晉安送吻。

問到吻戲有否尷尬？安仔笑言在飛鵝山拍畢《老表，你好嘢！》戲份不再尷尬：「上次大家貼身綁喺棵樹度，拍完後發覺再冇尷尬，連老婆睇完都話以後對我同任何女仔再拍親熱戲都唔會尷尬。（肉搏戲都得？）未知喎，等我挑戰佢嘅底線先。」蚊蚊即笑道：「你搵第二個挑戰啦！（拍吻戲老公有呷醋？）唔會，佢好信安仔。」安仔多次單膊舉起蚊蚊，有否感到吃力？他賣口乖說：「比我想像中輕，開頭睇劇本都驚自己唔得，啱啱抱住發覺好輕，以為佢得100磅，但覺得佢肥過上次少少。」而蚊蚊坦言現時體重達110磅，比《老表，你好嘢！》時重14磅。

談重播《殭屍》尷尬
提到亞視重播《我和殭屍有個約會》對撼外購劇《西遊記》，問到有何看法時？在《殭屍》劇中飾演馬小玲的蚊蚊尷尬笑謂：「冇得點睇，已經播咗咁多次。（有睇『歲月留聲』頻道重播？）冇，邊有時間睇，日日都開工。」安仔則抵死道：「佢哋應該整個《我們的萬綺雯》，播完《殭屍》劇再喺黃金時段重播佢以往嘅劇。」由於蚊蚊未能參與亞視活動，他建議亞視在《老》劇拍攝場地搞自助餐慶功。

大跳求婚舞的郭晉安，令萬綺雯相當感動。

郭晉安多次單膊舉起萬綺雯，直言對方比上次增磅。
from:http://orientaldaily.on.c ... /00282_032.html

新劇《老表，你好hea!》的一眾演員萬綺雯（蚊蚊）、王祖藍、張繼聰及郭晉安（安仔）等昨日於石硤尾拍攝外景，眾人在30度高溫下拍攝抗議戲。萬綺雯與安仔互爆料，蚊蚊指安仔日前穿上北極熊裝焗足五小時險暈、安仔則咀到蚊蚊傷及舊患要照X光。

蚊蚊昨日拍攝一場抗議戲，血壓偏低的她自爆由細到大都唔嗌得交。

一眾新劇《老表，你好hea!》的演員萬綺雯（蚊蚊）、王祖藍、張繼聰及郭晉安（安仔）、林盛斌（Bob）等昨日於石硤尾拍攝一場抗議戲，蚊蚊表示昨日的戲份還好，未夠安仔日前穿上厚厚的北極熊裝拍戲辛苦，更焗足五小時，爆料指安仔除下頭套時更焗得臉變白，安仔笑言拍畢後上磅發現變輕五磅，他說：「拍咗四、五個鐘，導演見我差唔多（暈低）就收工。」對於蚊蚊爆料，他亦大爆蚊蚊似足玻璃人，他說：「有一場拍我抱起佢再轉身嘅錫嘴戲，我一抱起佢，佢就話：『肋骨啪咗一聲！』收工後佢即刻照X光！」他怕自己太大力而整傷蚊蚊，更問對方頂唔頂得順。

蚊蚊血壓偏低
蚊蚊聽罷就說：「唉！我就係唔想講！係舊患，之前拍《牛頭愛搭馬嘴》我都整親過！好有經驗，通常一個星期就好番！」她解釋不想提起是因為不想令對方拍攝時有壓力，笑言當時未warm up，只要就好位就冇問題！另外，蚊蚊透露老公陳十三為她準備三支藥水抗中暑，她表示曾因拍《老》劇而休克：「由細到大都唔嗌得交，一嗌塊面變灰色，可能血壓偏低！（冇得反擊？）一人少句咪幾好！」

早前險焗暈的郭晉安（左）與王祖藍大放笑彈。

Bob在大熱天時還要包到冚，認真辛苦！

張繼聰穿小背心晒肌，笑言在劇中的角色是「食軟飯」。

祖藍醜化女友
同場的張繼聰以小背心爆肌示人，他笑言在劇中的角色志願是「食軟飯」！被問到太太謝安琪自組公司但未有簽他為旗下藝人，他說：「咁我有經理人，加上依家拍劇多，做嘢分開會好啲！」王祖藍則表示劇中主角的太太輪流出鏡，被問李亞男是否有份？他說：「我未娶佢o架！加上佢本身有份！（特別錫佢？）我係特別唔錫佢，要醜化佢！」
from:http://orientaldaily.on.c ... /00282_020.html