現時做職業女性，果然係好犀利，好似做咗人妻嘅萬綺雯，兼顧事業又要打理好頭家，當然做事要分秒必爭。
日前萬綺雯喺西貢出現，見佢一支箭衝入麵包鋪，火速買走一袋方包，之後，就急急腳過隔籬環保鋪頭買日用品，見佢凌厲眼神掃兩掃，已即時拍板買嘢，執齊晒嘢之後，原來仲有樣緊要嘢要做，就係要去提款機撳錢，攞完錢，萬綺雯講電話都四萬咁口，唔使十五分鐘就搞掂晒跳上的士走得！
萬綺雯匆匆去麵包鋪買包。
連買日用品都揀環保嘅！
離開前仲撳埋機攞錢。
撰文︰八珍
mailto:nextplus.nextmedia.com
乜都要快萬綺雯十五分鐘掃貨連撳錢
