藝人劉心悠與梁祖堯昨於錦上路出席「煤氣『糭』有機」活動，以白色緊身運動衣上陣的她更於包糭期間顯得雞手鴨腳。問到她是否首次包糭？她自爆已有進步：「我包過但係好核突，今次已經有進步，以往一早放棄咗。（要咬草繩紮糭影響女神形象？）唔會，咁包先靚，我要咬住唔放！」
約滿星皓的劉心悠，透露會自設工作室。
問到是否約滿星皓？劉心悠自爆要開設工作室：「同公司完咗約一排，老闆都贊成我自己搞工作室，（籌備中？）係！應該會設於尖沙咀，我第一次做老闆冇經驗，可能要搵人幫手（簽其他人做藝人？）有可能（捧自己做一姐？）幾好喎！（結束與星皓九年賓主關係？）始終自己做會闊度高啲，囡囡始終會長大（同老闆關係好？）係，多謝佢多年的栽培。如果佢第日開戲，我會幫手！」
劉心悠與梁祖堯包糭，雞手鴨腳咬住草繩。
from:
http://orientaldaily.on.c ... /00282_031.html
