踏入30歲的那一個年頭，王菀之呆着不知方向，笑着走着，踏實地一步一步向前走，直至去年，一個黃金機會，Ivana金蟬脫殼，唱而優則演，勇闖事業另一個高峯。
34歲天降「figure王」Eric So蘇卓航，Ivana張開雙手，迎接這段突如其來的愛情，提起男友甜絲絲嘴角含春，被街頭偷拍，卻不怒反笑，還可以開心share：「都幾開心呀！我呢邊係，我唔知佢呀！相影得唔錯，我都係在意啲相影得好唔好。」
相由心生，事業愛情都得意的王菀之，為了「菀之論演唱會2014」，錄音、練歌、綵排、宣傳，忙到不得了，眼前的她依然神采飛揚，拍拖應記一功囉！Ivana跟Eric So拍拖，予人感覺特別開心，她日前笑笑口接受本報專訪說：「又唔可以咁講，咁好似推翻以前開心嘅自己咁，以前有以前嘅開心，不過，我𠵱家係好開心。」
Ivana以前拍拖要偷偷摸摸，首次公開煥然一新，感覺就好似呼吸到自由的空氣，她說：「我諗呢種係唔需要收埋嗰種free，令到自己開心咗。嗰個開心係每一次有一個戀情，都係希望一路拍落去，唔係諗住玩㗎！但係今次嘅開心係揚咗之後，個人咪唔使收埋囉！好似特別開心咗，我起碼唔使出街都冇得拖先喇！都大個女啦，出街都冇得拖，好慘㗎！」
王菀之唱而優則演，竟然成為喜劇界的搶手貨。
愛情結晶Tee
Eric So先後跟幾個圈中女藝人蒙嘉慧、盧巧音及杜如風拍拖，以上都是表面性格剛強的烈女，惟獨說話高八度的王菀之是小鳥依人，Ivana直認膜拜神級偶像Eric So，又不時重複男友是一個藝術家：「佢係一個藝術家，大家會叫佢做figure王，佢係藝術家，畫畫同做雕塑都好靚㗎！以前唔識呢啲嘢，人哋介紹佢啲藝術品，我就去find out多啲，越來越了解，最主要係雙方溝通得開心，同埋啱傾，有少少喺藝術方面溝通得唔錯。」
「菀之論」本月開騷，王菀之乘機拉攏設計師男友Eric So合作，她甜笑說：「我係拍咗拖先搵佢做，第一次Eric So×王菀之crossover premium，其中一件係T恤，如果做到嘅話，佢design，用我嘅自畫像，我自己畫，佢design個product。」王菀之和Eric So的第一件愛情結晶品，Ivana本來想大賣關子，最終都是忍不住爆出來，屆時她還會着住上台表演，她說：「係我操刀嘅自畫像肥波兔，會發光，件衫佢會幫我設計埋！」
自戀上Eric So之後，王菀之變得心花怒放。
欣賞男友魅力
提起跟Eric So一齊構思設計演唱會產品，Ivana再一次忍不住大讚男友說：「我真係唔係講笑，因為講crossover嗰時，唔係當佢係男朋友，係當佢係一個設計師，坐咗喺你面前去傾，個語氣都係會soft，但係佢嗰種charm就係會設計師上身，好認真，因為佢好認真講佢嘅設計嗰陣，係好好聽㗎！」真是好冤氣囉！
化妝：Janice Tao of ZING the makeup school
髮型：KateShek of Hair Culture
服裝：Moncler
場地提供：上海小南國
From:
http://hk.apple.nextmedia ... 140511/18716054
