天生外父相嘅沈嘉偉，星期日（五月四日）家庭樂，同老婆邱淑貞加埋細佬沈健偉，三大五小去咗大坑食pizza。
細女沈星已經四歲幾，個樣同大家姐沈月一樣，愈大愈似媽咪，同樣天生明星相。兩父女，黐住坐，老豆餵嘢食，坐對面嘅老媽子就負責抹嘴，分工合作。
細女嗲到暈，十三歲嘅沈月開始大個女，有自己一套。食完一個人返上車坐，塞耳聽歌，自得其樂；見到《壹》仔鏡頭「隊」住，原本坐喺車頭嘅沈月好唔like，索性換位坐入車廂避鏡，好cool。
女大十八變，但四十五歲邱淑貞，天生防腐，依然冇乜變。
一家人開餐，邱淑貞見到鏡頭，第一時間戴番副超。
細女黐老豆，不時又攬又箍，食完雪糕，俾媽咪抹嘴，好嗲！
撰文︰八珍
