台灣女星侯佩岑喺2011年同擔任金融業主管嘅老公黃柏俊結婚，喺今年年初宣佈懷孕。𠵱家有咗五個月嘅侯佩岑，大前日喺台灣同老公撐枱腳，當時佢着住深藍色鬆身上衣、黑白短褲裙同着住平底涼鞋，但係佢嘅身形纖瘦，幾乎睇唔到佢肚凸，於是惹來代母疑雲。
侯佩岑同老公情侶裝去撐枱腳，老公全程對佢照顧有加，認真恩愛！
「天生瘦唔易胖」
侯佩岑嘅經理人梗係即刻幫手澄清，侯佩岑未有BB之前係47公斤，𠵱家嘅體重係50公斤，前後只係肥咗3公斤，仲話：「可能因當天被拍到衣服比較寬鬆，但全公司都看過她大肚子的樣子，她四肢本來就很瘦，是不容易發胖的體質。」講到BB嘅性別，佢嘅經理人就話：「沒有特別問醫生，男生女生都好，她老公沒姊妹，比較希望生女孩。」工作嘅安排就一切如常，錄影完節目即刻換返對平底鞋，最近仲有四個廣告搵佢拍，加上又接東風新節目，估計已進賬2,180萬元台幣，認真旺媽媽！
from:
http://hk.apple.nextmedia ... 140430/18704644
