有湖南乳牛之稱嘅柳岩，焦點通常落喺佢34E豐胸上，近日佢由忙拍劇轉為忙練舞，柳岩經理人喺微博上載咗柳岩喺曼谷排舞實況，相中見佢為即將推出新歌《欲望之城》MV排舞，聯同其餘3首歌MV都會喺泰國完成，並由泰國著名音樂導演操刀製作。
眼見柳岩上身收起性感，但仍難掩佢有料身材，身穿短牛仔褲但配戴護膝，為跳舞作好準備，排舞甫士亦好配合歌名，夠晒挑起慾望，瞓身趴地之餘又喺張櫈擘髀，其中同舞蹈藝員一張大合照時，仲清楚見到柳岩一隻手按在地上，下半身側身瞓喺張櫈到，露出小蠻腰，當然唔少得時下指定動作「老江湖」甫士啦，相信配襯上舞衣後，動作迅即變得火辣誘人。
為咗今次拍攝，柳岩都同泰國呢個團隊預先練習咗兩日，有網民扺死話：「穿得太多不好看了。」亦有人見到柳岩雖然配戴上護膝，仍然稱讚她的一雙腿依然很美。
from:
http://hk.apple.nextmedia ... 140423/18697399
