得陳是知一粒女嘅吳君如，除咗開工，過去十年都係湊女為樂，不過佢位honey今年已經11歲，有自己朋友圈，君如仲話擔心囡囡開始拍拖。
今時今日，應該倒轉頭係阿媽黐住囡囡周圍去，趁孭飛套《妖妖鈴》未上畫，兩母女早排去泰國玩番轉，同行仲有一個朋友，不過就唔見老公陳可辛。香港行街唔戴口罩，反而去到曼谷shopping就全程戴住，要靚唔怕攰，君如喺其中一個化妝專櫃，踎低睇咗廿幾分鐘。企喺隔籬嘅陳是知就飲住嘢等阿媽，間唔中又俾意見。君如話囡囡而家唔買玩具改買化妝品，貪靚呢家嘢，都係遺傳阿媽DNA啫。
君如試完唇彩試眼影，陳是知一直喺旁邊俾意見。
君如同囡囡shopping嘅百貨公司無乜香港人，去買嘢嘅大部分係當地人。
8月君如52歲生日，囡囡彈結他唱生日歌，搞到佢不知幾開心。
撰文：八珍
攝影：陳亦龍、楊紫
飛甩陳可辛吳君如戴口罩孖honey遊泰國
