好耐都冇喺香港出現，長期喺內地搵人仔嘅傅穎(Theresa)，前日突然就喺微博話自己返咗嚟香港，佢話：「回香港了，這兩星期，好好做功課，即將再挑戰自己，好好享受享受別人的人生。」好好做功課，又要挑戰自己，應該就係會有新嘅工作，但佢講到咁唔清楚，都唔會係做啲咩喇。但係喺Theresa嘅instagram，就話：「每個戲都要投入到一個全新的人生這是我喜歡當演員的原因。」咁講應該就係拍新戲喇。
睇Theresa嘅說話，講啲唔講啲，但唔好以為佢講嘢係咁，其實佢po相都係相啲唔po啲，喺佢嘅微博加埋IG，一共有5張相，但係有3張都係睇唔到樣，得佢嘅一對美腿，但係睇真啲，Theresa仲條腿好似比起之前，粗咗少少，睇嚟都係時候「修一修」對美腿喇。
啱啱Theresa應該係睇咗呢一篇報道，過咗一陣Theresa就好大方咁貼咗啲有樣嘅相，仲話：「給蘋果的韓國旅遊照，要看樣子也可以。」所以話人靚心地都好好，知道大家都想睇到佢嘅靚樣，即刻就再貼啲畀大家，真係有求必應，多謝Theresa。
from:
http://hk.apple.nextmedia ... 140420/18695310
